Van Basten: Kush thotë se Cristiano Ronaldo është më i mirë se Messi, nuk merr vesh nga futbolli

Marco van Basten, në një intervistë për “Corriere della Sera”, ka dhënë mendimin e tij mbi debatin e 10 viteve të fundit: Messi apo Cristiano?

Ish-legjenda e Holandës dhe Milanit i ka idetë shumë të qarta: “Cristiano është një futbollist i madh, por ata që thonë se është më i mirë se Messi, mendoj se nuk marrin vesh nga futbolli. Messi është unik, i papërsëritshëm. Si ai dalin një herë në 50 ose 100 vjet”.

I konsideruar si një nga sulmuesit më të mirë të historisë, Van Basten tregoi edhe se çfarë mund të arrinte nëse nuk do ta kishte lënë futbollin në moshën 31-vjeçare për shkak të dëmtimeve.

“Praktikisht, unë e lashë futbollin që në moshën 28-vjeçare. Kisha fituar 3 çmime Topi i Artë. Shikoni Messin dhe Cristianon që po fitojnë ende, edhe pas të tridhjetave.

Kavilja më jepte shumë dhembje, isha i dëshpëruar dhe qetësuesit po më shkatërronin. Ka qenë një periudhë shumë e keqe për mua dhe bashkëshorten time”, kujton Van Basten.

Check Also

El Clásico e legjendave, në Tel Aviv luhet Barcelona-Real Madrid

Yjet e së kaluarës të Barcelonës dhe Realit të Madridit zbresin në fushë për të …

Hamilton triumfon para 140 mijë tifozëve në Angli, Leclerc “hap krahun” dy xhiro nga fundi

Lewis Hamilton ka triumfuan në Çmimin e Madh të Anglisë në Formula 1 përballë 140 …

Barella në radarët e Liverpool dhe Man.United, të gatshëm të ofrojnë deri në 70 milionë euro

Nicolò Barella ka shkëlqyer me paraqitjet për Italinë në EURO 2020. 24-vjecari, ka arritur të …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *