Ronaldo në histori, barazon Pelenë dhe shënon një tjetër rekord

Legjenda e futbollit botëror, braziliani Pele, mbushi 80 vjeç në tetor. Të martën ai mori dozën e parë të vaksinës për t’u mbrojtur nga COVID-19, por paralajmëroi përmes profilit të tij në Instagram se “ende nuk ka mbaruar”. Në fakt, nuk ka mbaruar as karriera dhe “tërbimi” i Cristiano Ronaldos, që kërcënon “trashëgiminë” sportive të “mbretit” të futbollit. Portugezi, me golin që i shënoi Speciad në suksesin 3-0 të Juventusit, ka arritur rekordin e Pelesë sa i përket numrit të golave të realizuar në karrierë.

Nuk është rekordi i parë që Cristiano thyen me gola, por sigurisht që është një nga nderimet më të mëdha që mund t’i bëjë ky sport. Nga sot, për të gjithë, emri i Ronaldos do të jetë pranë atij të Pelesë, një përbindësh i shenjtë i futbollit.

Numri i saktë i golave ​​i nënshtrohet interpretimeve të ndryshme dhe numërimeve të ndryshme, në varësi të garave të konsideruara zyrtare: për specialistët e “Gazzetta dello Sport” janë plot 767 gola të shënuan nga Pele dhe po kaq nga Ronaldo. Por CR7 nuk ka ndërmend të ndalet: Romario nuk është larg me 772 gola, dhe Josef Bican, në krye të tabelës, me 805 finalizime.

“Ylli” portugez, në fakt, thyen një tjetër rekord me finalizimin ndaj Specias. Ai bëhet futbollisti i vetëm që ka shënuar të paktën 20 gola në 12 sezonet e fundit në 5 ligat më të forta europiane. Shifra prej jashtëtokësori.

Check Also

Real Madrid fiton ndaj Liverpool, City mund Dortmundin

Real Madridi e ka fituar betejën e parë kundër Liverpoolit, duke triumfuar 3-1 në “Alfredo …

Heqja e pasaportave diplomatike të kombëtares, Meta: Vendim i pabesë e hakmarrje primitive e Ramës

Vendim të pabesë e hakmarrje primitive e ka cilësuar presidenti Meta ndërprerjen e vlefshmërisë së …

Laporta apo Pep? Të dyja palët në pritje të Messi-t

Barcelona është e vendosur që Lionel Messi të qëndrojë në klub përtej fundit të këtij …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *