Ramsei dhe Dibala “zbusin” Interin, Juventusi rikthehet i pari

Dy gola të shënuar në pjesën e dytë në një stadium “memec” i kanë dhënë fitoren 2-0 Juventusit ndaj Interit. Një fitore me vlera të dyfishta për bardhezinjtë, ndërsa Interi mbetet në vend të tretë dhe objektivi i titullit bëhet shumë më i vështirë.

Aron Ramsei e zhbllokoi rezultatin në minutën e 55-të, duke përfituar nga një hezitim i mbrojtjes së Interit. Disa minuta më pas Juventusi realizoi një gol shumë të bukur me Paulo Dibalën.

Kombinime të bukura të skuadrës së Sarrit dhe argjentinasi tregohet shumë gjakftohtë në zonë, duke mposhtur portierin Handanoviç dhe duke shuar shpresat e Interit për të marrë pikë në këtë ndeshje shumë të rëndësishme, me shumë peshë sa i takon titullit.

Juventusi ngjitet kështu në vend të parë, në kuotën e 63 pikëve, 1 më shumë se Lacio e vendit të dytë, ndërsa zikaltrit kanë 54 pikë dhe një ndeshje më pak, atë me Sampdorian. Ishte një ndeshje e çuditshme, që më shumë i ngjante një miqësoreje, pasi mungesa e tifozëve ia zbehte shumë bukurinë kësaj sfide direkt në garën për titullin kampion në Serinë A.

Juventusi bëri diferencën në ato pak episode edhe tashmë është më i qetë pas marrjes së kryesimit.

 

 

Check Also

Briken Calja merr nga presidenti Meta “Dekoratën e Flamurit Kombëtar”

Presidenti Ilir Meta ka dekoruar sot në një ceremoni të posaçme peshëngritësin Briken Calja dhe …

Real Madrid, Marcelo mund të barazojë rekordin historik

Marcelo mund të barazojë këtë javë një nga rekordet historike të Realit të Madridit. Nëse …

“Kam qenë i vdekur për 5 minuta”, Eriksen i kthehet episodit të tmerrshëm

Christian Eriksen kthehet të flasë për herë të parë pas 6 muajsh dhe kujton episodin e …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *