Po shkëlqen me Atalanta-n, Gjimshiti renditet i teti në Seria A për performancën më të mirë

Observatori i futbollit “CIES” ka publikuar së fundmi një raport me të dhëna të grumbulluara nga InStat mbi performancën e futbollistëve në Europë. Kjo listë është bazuar në veprimet teknike të lojtarëve, minutat e luajtura dhe nivelin e kampionateve ku futbollistët kanë zhvilluar ndeshjet e tyre.

Kështu, në Serinë A, mbrojtësi i talentuar i Kombëtares shqiptare, i cili po shkëlqen me skuadrën e Atalantës, Berat Gjimshiti, renditet ndër 10 futbollistët me më shumë performancë në kampionatin italian. Ai gjendet i teti në këtë listë, me dy pikë më pak se suedezi Ibrahimovic apo futbollisti i Romës, Mkhitaryan.

Gjithashtu, në ligën hungareze, sulmuesi shqiptar, Myrto Uzuni, që ka bërë mjaft mirë në këtë sezon me Ferencvaroshin në Hungari, radhitet i pesti në listën e futbollistëve me më shumë performancë këtë sezon.

Këto vlerësime për dy futbollistët shqiptarë janë një lajm mjaft i mirë, jo vetëm për ta dhe skuadrat ku ato militojnë por edhe për Kombëtaren shqiptare.

Observatori i futbollit “CIES” është një grup kërkimor brenda Qendrës Ndërkombëtare për Studime Sportive, një qendër studimi e pavarur, me seli në Zvicër, i specializuar në analizën statistikore të futbollit dhe është krijuar në 2005 nga Dr. Raffaele Poli dhe Dr. Loïc Ravenel.

Check Also

Nuk është dakord me planet e klubit, Conte largohet nga Interi

Inter dhe Antonio Conte do të ndahen. Heshtja e trajnerit, i cili nuk dha intervista …

Skënderbeu i shpëton rënies, Kastrioti në play-out

Në një moment të caktuar të kampionatit, fati i Skënderbeut dukej i shënuar, për ekipin …

Kërcënoi gjyqtarin me fraza të rënda, Igli Tare gjobitet me 5 mijë euro

Drejtori sportiv i Lacios, Igli Tare, është dënuar deri më 31 maj për të mos …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *