Chelsea përfiton nga hapat e gabuar të Liverpool e City, shkëputet i vetëm në krye të Premier League

Chelsea mundi 3-0 Newcastle në fushën e kësaj të fundit, duke siguruar fitoren e katërt radhazi në kampionat, dhe duke u shkëputur me 3 pikë nga vendi i dytë në krye të renditjes se Premier League.

Dy gola nga mbrojtësi i krahut James, në të 65’ dhe 77’, si dhe një penallti e kampionit të Europës Jorginho në të 81’, i dhanë londinezëve rezultatin pozitiv, që, i kombinuar me humbjen e Manchester City dhe barazimin e Liverpool, i jep epërsinë në garën për titullin kampion, edhe pse janë luajtur vetëm 10 takime.

City u mund 0-2 në fushën e tij nga Crystal Palace, me gola të Zaha 6’, Gallagher 88’. Kjo ishte humbja e dytë në kampionat për skuadrën e Pep Guardiola-s, që javën e ardhshme luan derbin me United.

Rezultat zhgënjyes edhe për Liverpool, që vinte pas triumfit historik në fushën e Manchester United javën e kaluar, ku fitoi 5-0. Pasi kaloi në epërsi të dy golave pas vetëm 24 minutash lojë, falë Henderson dhe Mane, u barazua nga Brighton me gola të Mwepu në 41’ dhe Lampetu në 66’, duke lënë dy pikë tepër të vlefshme ndaj një rivali modest.

Check Also

Seria A, Napoli frenohet nga Sassuolo, Milan kthehet te fitorja

Napoli është ndalur në transfertë nga Sassuolo, në një ndeshje ku po kryesonte 0-2. Ekipi …

Salah fiton “Golden Foot”, çmimin e tërheq bashkëshortja

Mohamed Salah nuk ishte i pranishëm në ceremoninë e Topit të Artë, sepse ndodhej në …

Lionel Messi fiton “Topin e Artë” për herë të shtatë, ja si votoi Shqipëria

Si kurrë më parë në histori dhe si askush tjetër, Lionel Messi ka fituar çmimin …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *