Champions League/ Sot në fushë, Tottenham e Valencia

Luhen sot në mbrëmje 2 ndeshje të tjera të 1/8 të finaleve të Ligës së Kampioneve. Tottenhami i Jose Mourinhos do të presë në Londër, Leipzigun dhe kjo është sfida e parë mes këtyre dy skuadrave në arenën Evropiane.

Tottenhami vjen në këtë përballje me mungesa të rëndësishme pasi Harry Kane dhe Sissokosë i bashkohet edhe koreanojugori Son që ka pësuar dëmtim në krah për të cilën do t’i nënshtrohet një ndërhyrjeje kirurgjikale. Mungesa do të ketë edhe skuadra e Leipzigut pasi ka 4 futbollistë të dëmtuar Adams, Kampl, Orban dhe Konaté. Sfida do të gjykohet nga një skuadër arbitrash turq, me kryesor Cuneyt Cakir ndërkohë që asistentë të tij do të jenë Bahattin Duran dhe Tarik Ongun.

Në Bergamo, Atalanta do të presë Valencian, edhe kjo përballja e parë mes këtyre dy skuadrave. Atalanta është shfaqur në një formë shumë të mirë në Serie A dhe vjen në këtë ndeshje me entuziazmin e fitores ndaj Romës në fundjave. në skuadër është kthyer Duvan Zapata, por që Gasperini duket se nuk do ta aktivizojë si titullar. në krahun tjetër, valencia ka akoma më shumë probleme pasi ka disa futbollistë të dëmtuar, kështu që Celades duket se do ta ketë më të lehtë të bëjë formacionin pasi do të jetë i kushtëzuar në zgjedhjet e tij.

Një prej mungesave më të rëndësishme te Valencia është ajo e Rodrigos në sulm, një repart të cilin duket se do ta mbulojë Maxi Gomez. Sfida mes Atalantës dhe Valencias do të gjykohet nga arbitra anglezë me kryesor Michael Oliver i ndihmuar nga asistentët Stuart Burt dhe Simon Bennett.

Check Also

50 trajnerët më të mirë në botë. Tre të parët drejtojnë në Angli, mungon Mourinjo

Është fundviti, kohë bilancesh dhe klasifikimesh. Skuadra më e mirë, sulmuesi më i mirë, mesfushori …

Kalendari i ngjeshur, thirrja e Guardiola-s: Lojtarët të dalin në grevë

Problemi ekziston prej vitesh, por kaosin e krijuar nga Covid-19, situata ka dalë nga kontrolli …

Një shqiptar, mburojë, një maqedonas e godet, Milani bie në “San Siro” nga Napoli

Amir Rrahmani dhe Elif Elmaz ishin protagonistët kryesorë në fitoren 1-0 të Napolit në San …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *