Barcelona-Napoli/ Bëhet zyrtare, luhet pa tifozë

Sfida mes Barcelonës dhe Napolit e parashikuar të zhvillohet në 18 mars do të luhet pa praninë e tifozëve në Camp Nou per shkak te coronavirusit.

Ky është vendimi i marrë nga klubi dhe autoritetet e Katalonjës pas një takimi të zhvilluar paraditen e kësaj të marte në Departamentin e Shëndetësisë së këtij rajoni. më pas klubi katalanas doli në një komunikatë për shtyp për të bërë të ditur këtë lajm për mbajtjen e kësaj sfide me dyer të mbyllura.

Kjo do të jetë hera e dytë në historinë e Barcelonës që zhvillon ndeshje në kushte të tilla të çuditshme pas asaj të tetorit të vitit 2017 në kampionatin spanjoll kur sfida e Camp Nout mes Barcelonës dhe Las Palmas u zhvillua pa tifozë për shkak të incidenteve të ndodhura për shkak të referendumit për pavarësinë e Katalonjës.

Barcelona u përpoq deri në momentin e fundit për të zhvilluar këtë ndeshje me dyer të hapura të paktën për tifozët e saj duke ndaluar hyrjen në stadium të atyre italianë për të cilët ishin vënë në dispozicion 5000 bileta edhe pse jo të gjitha u shitën pasi tifozët e Napolit pritën deri në çastet e fundit vendimin nëse do të lejoheshin të dilnin nga vendi apo jo dhe në fakt ata nuk do të mund të udhëtojnë drejt Spanjës pasi tani e gjithë Italia është konsideruar një zonë e kuqe.

Check Also

50 trajnerët më të mirë në botë. Tre të parët drejtojnë në Angli, mungon Mourinjo

Është fundviti, kohë bilancesh dhe klasifikimesh. Skuadra më e mirë, sulmuesi më i mirë, mesfushori …

Kalendari i ngjeshur, thirrja e Guardiola-s: Lojtarët të dalin në grevë

Problemi ekziston prej vitesh, por kaosin e krijuar nga Covid-19, situata ka dalë nga kontrolli …

Një shqiptar, mburojë, një maqedonas e godet, Milani bie në “San Siro” nga Napoli

Amir Rrahmani dhe Elif Elmaz ishin protagonistët kryesorë në fitoren 1-0 të Napolit në San …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *