“Të mos humbim më kohë, Drejtësia nuk mund të karantinohet”

Ish-kryetari i komisionit të posaçëm parlamentar për Reformën në Drejtësi, Fatmir Xhafaj, u bën thirrje gjyqtarëve, prokurorëve, por edhe anëtarëve të organeve të reja të drejtësisë që të mos e ndalin punën e tyre.

Përmes një postimi në rrjetin social Twitter, Xhafaj nënvizon se sistemi i Drejtësisë nuk mund të karantinohet.

Ai nënvizon se COVID-19 nuk është shkak për bllokimin e plotë të hetimeve dhe gjykimeve dhe se nuk mund të humbet më shumë kohë me procesin e ringritjes të drejtësisë së re.

Një pjesë e njerëzve të drejtësisë janë solidarizuar për të dhuruar një pjesë të pagave të tyre.

Shumë prej tyre, Gjykata e Lartë dhe prokurorët kryesisht, janë në krye të detyrës këto ditë. Shumë çështje presin të shqyrtohen, vendime që të zbardhen. Kjo është realisht gjëja që na duhet.

Gjyqtarët dhe prokurorët, Organet e vetingut, KED, ILD, KLGJ dhe KLP, gjithë sistemi i Drejtësisë nuk mund të karantinohet! #COVID19 nuk është shkak për bllokimin e plotë të hetimeve & gjykimeve.

Nuk mund të humbim më shumë kohë me procesin e ringritjes të drejtësisë së re”, thekson Xhafaj.

Check Also

BE shqetësohet për lirinë e medias, mungesën e hetimit të krimeve të komunizmit

Komisioni Evropian i kushtoi një vëmendje të veçantë problemit të personave të zhdukur gjatë kohës …

Raporti i KE për zgjedhjet e 25 prillit: Mbetet shqetësim blerja e votës dhe patronazhistët

Zgjedhjet e 25 prillit janë konsideruar  në progres raportin e Komisionit Evropian si të mirëorganizuara, …

Kushtetuesja rikthen ’30 qershorin’ për shqyrtim, kur do të mbahet seanca

Gjykata Kushtetues ka rikthyer shqyrtimin e çështjes së zgjedhjeve të 30 qershorit. Çështja ishte pezulluar …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *