Rama u përgjigjet akuzave të opozitës dhe Presidentit: Janë të dënuar të përpëliten në zjarrin e urrejtjes

Pas akuzave të Partisë Demokratike dhe partive të tjera opozitare lidhur me ndihmat e mbledhura nga konferenca e donatorëve duke thënë se qeveria do të shpërdorojë ndihmat e dhëna, kryeministri Rama ka reaguar duke thënë se ata janë të dënuar të përpëliten në zjarrin e urrejtjes së tyre e të çirren gjithnjë e më fort.

Rama me anë të një shkrimi në Twitter shkruan se nuk duhet humbur koha me ta. Ndër të tjera kryeministri shkruan se  janë të dënuar të përpëliten në zjarrin e urrejtjes së tyre.  Sipas Ramës sa më shumë Shqipëria forcon trupin e saj të brishtë, aq më shumë ata që e penguan,shfrytëzuan,dërrmuan për vite të tëra,dëshpërohen e lëshojnë gjuhën jashtë kontrollit.

Ky mesazh i Ramës vjen si një përgjigje edhe ndaj presidentit të Republikës, Ilir Meta, i cili ka thirrur në protestë shqiptarët, më 2 mars, siç thotë ai, kundër qeverisë së krimit dhe grushtit të shtetit.

“Mos humbim kohë me ta, janë të dënuar të përpëliten në zjarrin e urrejtjes së tyre e të çirren gjithnjë e më fort kundër nesh!Shqipëria i ka lënë pas dhe kërkon nga ne ta çojmë përpara; duke e forcuar çdo ditë, përmes reformave e punëve që s’u bënë kurrë në kohën e tyre të shkuar. Sa më shumë Shqipëria forcon trupin e saj të brishtë,aq më shumë ata që e penguan,shfrytëzuan,dërrmuan për vite të tëra,dëshpërohen e lëshojnë gjuhën jashtë kontrollit! Tamam kur Shqipërisë i’u bë një deklaratë publike dashurie nga BE dhe bota mbarë në 17 shkurt,ata u marrosën…” shkruan Kryeministri Rama.

Check Also

Escobar: Do të shpallim persona të tjerë “non grata” në rajon

Zv/Ndihmës Sekretari i Shtetit për Evropën Jugore dhe Qendrore, Gabriel Escobar u shpreh sot në …

Protesta e 8 janarit, Berisha thirret nesër në Prokurori, pasnesër Basha

Ish-kryeministri Sali Berisha dhe deputeti demokrat Flamur Noka do të thirren nesër në Prokurori, në …

Berisha: Basha i dorëzoi SHBA-ve listën e biznesmenëve që mbështetën “Foltoren”

Ish-kryeministri Sali Berisha deklaroi në Radarin Informativ në ABC se kryetari i PD Lulzim Basha …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *