Rama pas videos së Jonuzit për ngjarjen në Kavajë: Autori është militant i PD-së, Lulzim bëhu burrë e ndahu nga Iliri e Saliu

Kryeministri Edi Rama ka reaguar pas dëshmisë së Ndriçim Jonuzit nga arratia, për plagosjen e sekretarit të PD-së në Kavajë, Bledar Okshtuni. Ngjarje që ndodhi një ditë më parë.

Rama shkruan në një postim në “Twitter” se autori, Ndriçim Jonuzi (Tahiri), nuk ka asnjë lidhje me Partinsë Socialiste, përkundrazi është një militant i Partisë Demokratike.

Ai shprehet se ngjarja nuk ka asnjë motiv politik.

“Është krejt e qartë që ngjarja e Kavajës s’ka asnjë motiv politik! Autori s’ka asnjë lidhje me PS, përkundrazi është militant i PD! PD s’ka faj për ngjarjen po për politizimin skandaloz! Lulëzim bëhu burrë, ndahu nga Iliri e Saliu, boll bëre kukullën e të paudhëve pa din e iman!”– shkruan Rama.

Ky reagim i kryeministrit vjen pas videos së publikuar online nga personi në arrati Ndriçim Jonuzi, i cili është shprehur se konflikti i tij me Okshtunin nuk kishte pas motive politike.

Ai thotë se personat me të cilët u konfliktua i kishin zënë rrugën një nëne me shami dhe pasi ky i kishte kërkuar llogari ata u sollën në mënyrë arrogante. Në këtë video ai shprehet se ndihet i fyer nga kryedemokrati Lulzim Basha që e quan mbështetës të PS-së.

Check Also

KAS rrëzon PD-në për informacione shtesë nga institucionet shtetërore e entet publike

Komisioni i Ankimimeve e Sanksioneve ka rrëzuar kërkesën e PD-së për marrjen e informacioneve shtesë …

Komisioni hetimor për shkarkimin e presidentit, Meta: Antikushtetues, proces fiktiv

Presidenti Ilir Meta ka reaguar ndaj kuvendit të Shqipërisë për ngritjen e komisionit hetimor për …

Rama dhe Meta përballen nesër në Gjykatën Kushtetuese

Kryeministri Edi Rama dhe Presidenti i Republikës Ilir Meta do përballen nesër në Gjykatën Kushtetuese …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *