Rama e Kurti bashkë në Londër, mungon Vuçiç

Udhëheqësit e Ballkanit Perëndimor do të mblidhen të hënën në Londër në samitin e radhës të thirrur nga Banka Europiane për Rindërtim dhe Zhvillim. BERZH njofton se pjesëmarrjen e kanë konfirmuar si Edi Rama, ashtu edhe Albin Kurti.

Ndërkohë, Serbia në këtë samit do të përfaqësohet nga kryeministrja Ana Brnabiç dhe jo nga Presidenti Aleksandër Vuçiç. Pjesëmarrjen e kanë konfirmuar edhe kryeministri i Malit të Zi, Dusko Markovic, kryeministri i qeverisë tranzitore në Maqedoninë e Veriut, Oliver Spasovski dhe Zoran Tegetlija për Bosnje-Hercegovinën.

BERZH thotë se synimi i samitit është të theksojë dhe zbulojë potencialin investues dhe të të bërit biznes në Ballkanin Perëndimor dhe të nxisë projektet e përbashkëta rajonale.

“Si një investitor lider në rajon po shikojmë përpara në samitin e katërt me Ballkanin Perëndimor. BERZH e shesh Ballkanin Perëndimor si një prioritet dhe objektivi ynë është që të çlirojmë të gjithë potencialin e rajonit duke mbështetur rritjen ekonomine dhe integrimin e rajonit në Bashkimin Europian”, thotë Presidenti i BERZH, Suma Chakrabarti.

BERZH është institucioni me investimet më të mëdha në rajon. Banka përllogarit se shuma ndër vite është rreth 13 miliardë euro, ku pjesa më e madhe e tyre janë përthithur nga Serbia.

Check Also

Argumentimi qesharak i gjyqtarit Erjon Bani, ish-ministri Koka u la në burg për t’i “rregulluar imazhin drejtësisë”(!)

Gjykata e Posaçme kundër Krimit të Organizuar dhe Korrupsionit vendosi sërish të rrëzojë kërkesën e …

Rama: Jemi në kushtet kur nga ora në orë, mund të shohim lidershipin e Ukrainës të vrarë ose të marrë peng

Kryeministri Edi Rama ka mbajtur konferencë për shtyp për situatën në Ukrainë. Rama: Kemi parasysh …

SHBA, Shqipëria paraqesin në Këshillin e Sigurimit projekt-rezolutë që dënon Rusinë

Këshilli i Sigurimit i OKB-së do të votojë të premten mbi një projekt-rezolutë që dënon …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *