Politikanët amerikanë thirrje Shtëpisë së Bardhë të ulë presionin ndaj Kosovës

Eliot Engel, kryetari i Komitetit për Çështjet e Jashtme në Dhomën e Përfaqësuesve, dhe Bob Menendez, anëtar i lartë i Senatit Amerikan, i dërguan një letër të përbashkët Sekretarit Amerikan të Shtetit Mike Pompeo të hënën duke kërkuar që administrata Trump të lehtësojë presionin e saj ndaj kryeministrit në detyrë të Kosovës Albin Kurti dhe administratës së tij në largim.

Që kur erdhi në detyrë më 3 shkurt, Kurti ka qenë nën presion të vazhdueshëm nga i dërguari amerikan në dialogun Kosovë-Serbi, Richard Grenell, për të hequr tarifat për importet e mallrave serbe që u vendosën vitin e kaluar.

“SHBA-ja ka ndërmarrë një qasje të rëndë ndaj qeverisë së zgjedhur në Kosovë. Ndërkohë që je pajtohemi që tarifat e Kosovës për mallrat serbe – të cilat tani janë hequr – kryesisht dëmtojnë Kosovën dhe qytetarët e saj, ky mjet është përdorur nga qeveritë në të gjithë botën, shpesh përfshirë edhe administratën Trump”, thanë Engel dhe Menendez në letër.

“Kosova është një aleat i afërt i Shteteve të Bashkuara dhe ne ju bëjmë thirrje që të adoptoni një qasje të kujdesshme dhe konstruktive me qeverinë e saj të zgjedhur në mënyrë demokratike”, shkruan ata.

Ata paralajmëruan se Shtëpia e Bardhë po merrte një qasje të paekuilibruar ndaj situatës Kosovë-Serbi, duke e ndëshkuar padrejtësisht qeverinë Kurti ndërsa nuk arritën të bëjnë presion ndaj Serbisë që kjo e fundit t’i japë fund fushatës së saj për të bindur shtete në të gjithë botën që të tërheqin mbrapsht njohjen e Kosovës, ose për të kontrolluar marrëdhëniet e thelluara të qeverisë së Beogradit me Rusinë.

Qeveria e Kurtit ra pas një mocioni mosbesimi që u thirr pasi kryeministri shkarkoi ministrin e brendshëm Agim Veliu, anëtar i partisë partnere në koalicionin qeverisës Lidhja Demokratike e Kosovës, LDK, më 18 mars pas mosmarrëveshjeve për mënyrën se si të luftonin përhapjen e koronavirusit.

Por prapaskena e rënies së qeverisë është divergjenca midis BE-së dhe SHBA-së mbi mënyrën sesi të ndërmjetësohet një marrëveshje për të zgjidhur marrëdhëniet midis Beogradit dhe Prishtinës.

Check Also

Ilir Meta pagoi 700 mijë dollarë në një kompani offshore, për të lobuar për LSI-në

Pak ditë më parë gazeta austriake “Kronen Zeitung” publikoi një lajm për lobimin e Ilir …

Mazhoranca drejt zgjedhjes së Presidentit që dëshiron

Kuvendi e quajti të hënën të ezauruar edhe raundin e tretë të votimit për president, …

Dy emrat e rinj për President: Një poet disident dhe një mjek-gjeneral!

Duket qartë se opozita nuk do të dërgojë një kandidat të sajin në raundin e …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *