Meta zbulon misionin e tij: Të rikthej Kushtetutën e ’98-ës

Presidenti Ilir Meta zbuloi misionin që i ka vënë vetes me aksionin e nisur kundër mazhorancës, që pritet të kulmojë më 2 mars në manifestimin që ai ka thirrur kundër atij që e quan ‘grusht shteti të mazhorancës’.

Meta thotë se synimi i tij është që të rikthejë në fuqi Kushtetutën e vitit 1998.

“Misioni im është që të rikthej Kushtetutën e ‘98. E di që nuk do të jetë e lehtë, por ky është misioni im”, deklaroi Meta në një intervistë dhënë në emisionin “Opinion”.

Meta tha se pranon përgjegjësitë e tij për situatën në të cilën ndodhet sot vend, ndërsa akuzoi edhe opozitën si për djegien e mandateve, ashtu edhe për djegien e 13 tetorit si datë zgjedhjesh.

“Edhe për Monikën më ka humbur interesi, që kur la mandatet dhe më gënjeu mua. Do t’ju tregoj mesazhet që i kam dërguar asaj dhe Petrit Vasilit, ashtu siç tregova mesazhet me Ramën”, tha Meta.

Presidenti thotë se nuk është qëllimi i tij që të sigurojë një marrëveshje me Edi Ramën, apo me opozitën, por mbrojtja e Kushtetutës.

Check Also

Komisioni për inceneratorët hiqet nga votimi me dakordësi mes PS dhe PD

Opozita dhe mazhoranca ranë dakord të enjten që të heqin nga rendi i ditës dhe …

Miratohet Komisioni Hetimor për zgjedhjet, Kuvendi rrëzon kërkesën e opozitës për çështjen Becchetti

Pas disa orësh diskutime, Kuvendi ka miratuar një nga kërkesat e opozitës për të ngritur …

Shkelje ligjore dhe kapacitete të pamjaftueshme, KLSH publikon raport për menaxhimin e pandemisë

Kontrolli i Lartë i Shtetit publikoi të enjten raportin përfundimtar mbi menaxhimin e situatës epidemiologjike …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *