Kallëzim kundër Hashim Thaçit, Presidenti i Kosovës paditet nga ministri i Brendshëm

Ushtruesi i detyrës së ministrit të Brendshëm të Kosovës, Xhelal Sveçla ka dorëzuar padi kundër Presidentit Hashim Thaçi, në lidhje me deklarimet e tij të datës 23 mars për të mos respektuar vendimet e marra nga Qeveria në raport me masat mbrojtëse kundër virusit COVID-19.

Ministria e Punëve të Brendshme ka njoftuar se në padi potencohet se “presidenti përmes deklarimeve të tij dhe thirrjeve për mos-respektim të Vendimit të Qeverisë në datën 23 Mars 2020, përveç që ka shkaktuar paqartësi tek qytetarët, i njëjti gjithashtu ka mundur të ndikojë që përmes këtyre thirrjeve të shkaktojë kaos nëpër rrugë dhe të “kontribuojë” në shpërndarjen më të madhe të Virusit COVID-19”.

Në këtë padi ngriten dyshime se presidenti ka kryer veprën penale “Thirrje për rezistencë” të paraparë në Nenin 403 të Kodit Penal të Republikës së Kosovës.

Politika kosovare ndodhet në një moment aspak të favorshëm pasi pak ditë më parë me anë të një mocioni të kërkuar nga LDK-ja, deputetët e Kuvendit votuan kundër qeverisë së Albin Kurtit. Kjo situatë ka shtuar tonet dhe akuzat e ndërsjella në rrafshin e politikës vendore.

Check Also

Berisha bën sot 77 vjeç: Jam i motivuar për misionin e ri

Sali Berisha feston ditëlindjen e 77-të. Por si e gjen liderin historik kjo ditëlindje? Në …

Komisioni për inceneratorët hiqet nga votimi me dakordësi mes PS dhe PD

Opozita dhe mazhoranca ranë dakord të enjten që të heqin nga rendi i ditës dhe …

Miratohet Komisioni Hetimor për zgjedhjet, Kuvendi rrëzon kërkesën e opozitës për çështjen Becchetti

Pas disa orësh diskutime, Kuvendi ka miratuar një nga kërkesat e opozitës për të ngritur …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *