Balla nuk ndjehet i mënjanuar: Jam kryetar grupi dhe drejtues qarku në Fier

Taulant Balla nuk ndjehet i mënjanuar nga Partia Socialiste, pas zëvendësimit në postin e Sekretarit të Përgjithshëm me emrin e Damian Gjiknurit. Ai thotë se dy detyrat që i janë caktuar nuk janë pa rëndësi e përgjegjësi.

“Unë nuk e mendoj që të jesh kryetar i Grupit Parlamentar është të jesh më pak i parëndësishëm. Për mua është një post i rëndësishëm në një kohë kur në Kuvend priten çështje të nxehta politike. Kryetar i shumicës është përgjegjësi e madhe, e dyta pas Kryeministrit në lidhje me adresimin e besimit të qytetarëve. Nuk është më pak edhe drejtimi i Qarkut të dytë më të madh të vendit dhe nga ku buron pushteti i Partisë Socialiste”, tha Balla.

Nga vendimmarrja dhe se nuk kishte asnjë vërejtje apo hatërmbetje me Edi Ramën, por këtij të fundit i çoi një mesazh, duke i kujtuar rezultatin që e 25 prillit në Elbasan.

“Të mos harrojmë që në Qarkun e Elbasanit, Partia Socialiste arriti rezultatin më të mirë. Do të mërzitesha me Edi Ramën nëse nuk jep investimet e nevojshme për Elbasanin”, tha Balla.

Në fund, Balla uroi suksese për Qeverinë e re dhe shprehu bindjen se PS do të fitojë edhe dy sfidat e radhës elektorale me opozitën, zgjedhjet vendore të 2023, siç tha ai dhe të përgjithshmet në 2025.

 

Check Also

Çdo javë tampon nga mësuesit dhe studentët që refuzojnë vaksinën

Rriten infektimet nga përhpaja e variantit Delta, por kufizimet për qytetarët nuk ndryshojnë. Komiteti i …

Dënimi me 2 vite burg i Llallës, reagon Kim: Askush nuk është mbi ligjin, drejtësia kundër zyrtarëve të korruptuar

Ambasadorja amerikane në vendin tonë Yuri Kim ka reaguar pas vendimit të Gjykatës së Posaçme …

Vala e rritjes së çmimeve në vend, nga po vjen dhe sa do të vazhdojë

Vala e rritjes së çmimeve erdhi si cunam në tregjet globale këtë vit, por në …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *