Arrestimi i Çilit, opozita: Kush është zyrtari i lartë i drejtësisë?

Opozita ka kërkuar transparencë sa i përket aksionit më të fundit të policisë ku në pranga ra dhe botuesi i njohur i medias shqiptare, Henri Çili. Sekretari për Çështjet Ligjore, Çlirim Gjata kërkoi që policia dhe organet e prokurorisë të informojnë opinionin publik se kush është emri i personit që identifikohet si drejtues i organeve të larta të drejtësisë, me të cilin pretendohet se Çili ka biseduar për lirimin e dy të akuzuarve Aliko të Lazaratit .

“Përse u kryen ndalimet për se drejtuesi i lartë i organit të drejtësisë të kryente takimin e radhës në mars siç thuhet në dosje? Aktualisht në sistemin e drejtësisë janë 2 persona që kanë lidhje me Gjykatën e Lartë, ku do të shqyrtohet dosja për të cilën prokuroria pretendon se ka patur ndikim të paligjshëm.

Ardian Dvorani është i vetmi anëtar funksional i Gjykatës së Lartë, kreu i KED-së dhe Sokol Sadushi, kandidat pa rival për Gjykatën e Lartë, emërimi i të cilit pritet të ndodhë ne muajin Mars. Sot është koha që prokuroria të zbulojë identitetin e funksionarit të lartë të drejtësisë”, theksoi Gjata në konferencën për shtyp.

Për aksionin më të fundit të policisë reagoi edhe numri dy i LSI-së, Petrit Vasili, i cili me anë të një postimi në Facebook shkruan se “horrat e qeverisë nuk arrestohen, ndërsa Henri Çili po”. “Kur Edi Rama, Gjiknuri e deputetët e dalin sheshit në përgjimet e prokurorisë që kryejnë krimin e blerjes votave me furgonë të mbushur me horra nuk arrestohen.

Kur Etilda Gjonaj bashkë me bandën e ministrisë se Drejtësisë falsifikojnë e mashtrojnë për të rrëmbyer Gjykatën Kushtetuese, duke konsumuar vepra penale pa fund nuk arrestohen. Kur del nga përgjimet e prokurorisë Vangjush Dako që bëhet njësh me kriminelë nuk arrestohet.

Kur del sheshit korrupsioni i ministrave tek Unaza e re që shkon deri në Amerike nuk arrestohen. Kur falsifikon e mashtron Dvorani për të rrëmbyer Gjykatën Kushtetuese nuk arrestohet. Arrestohet Henri Çili se nuk duhet të arrestohen kurrsesi këta. Në 2 mars të gjithë në bulevard për drejtësinë e barabartë për të gjithë”, shkruan Vasili.

Check Also

Marku nuk kursen kritikat për Kuvendin Kombëtar: Teatër absurd. PD në pikën më kritike, duhet strategji e re

Me tone të ashpra dhe kritike deputeti i zgjedhur demokrat Mark Marku i është drejtuar …

KAS hap hetim administrativ për deputeten e PS, publikohet arsyeja

Komisioni i Ankimimeve dhe Sanksioneve shqyrtoi sot kërkesën ankimore ndaj kandidates për deputete të PS …

PD shpall listën e kandidatëve për Këshillin Kombëtar

Partia Demokratike ka publikuar emrat e kandidatëve për anëtarë të Këshillin Kombëtar. Janë 300 anëtarët …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *