Zbulohet emri, ja kush do ta presë Ramën në vizitën e tij në Moskë

Kryeministri i Shqipërisë Edi Rama, në kuadër të detyrës së tij si kryetar i OSBE-së, do të ketë një takim me rëndësi gjatë vizitës në Moskë me Ministrin e Jashtëm të Rusisë Sergey Lavrov.

Agjencia ruse e lajmeve (TASS) informoi se tashmë agjenda është përcaktuar dhe se më 26 shkurt në kryeqytetin rus, kreu i shteti shqiptar do të zhvillojë një takim me një nga figurat më të rëndësishme të Rusisë, aktor kryesor në politikën e jashtme.

Lavrov konsiderohet si një nga njerëzit më të besuar të presidentit Vladimir Putin dhe një nga figurat që dallohet për qëndrimin e tij kundër pavarësisë së Kosovës.

Megjithatë, këtë vizitë Rama do ta kryejë si kryetar i OSBE-së, ndërsa në fokus të bisedimeve do të jetë kriza Rusi-Ukrainë.

Në fjalimin e tij përpara Këshillit të Përhershëm të OSBE-së, Rama e listoi Ukrainën si një prej prioriteteve të presidencës shqiptare të OSBE.

Kryeministri i fundit shqiptar që zhvilloi një vizitë zyrtare në Moskë duke u takuar me kryeministrin e kohës Viktor Çernomerdin, ishte Aleksandër Meksi, rreth një çerek shekulli më parë.

Marrëdhëniet Shqipëri Rusi aktualisht nuk janë shumë të mira dhe së fundmi ka pasur edhe akuza nga deputetë të shumicës për rrezikun e ndërhyrjes së Rusisë në politikën shqiptare.

Akuza të tilla janë hedhur poshtë nga ambasada ruse në Tiranë.

Check Also

Çdo javë tampon nga mësuesit dhe studentët që refuzojnë vaksinën

Rriten infektimet nga përhpaja e variantit Delta, por kufizimet për qytetarët nuk ndryshojnë. Komiteti i …

Dënimi me 2 vite burg i Llallës, reagon Kim: Askush nuk është mbi ligjin, drejtësia kundër zyrtarëve të korruptuar

Ambasadorja amerikane në vendin tonë Yuri Kim ka reaguar pas vendimit të Gjykatës së Posaçme …

Vala e rritjes së çmimeve në vend, nga po vjen dhe sa do të vazhdojë

Vala e rritjes së çmimeve erdhi si cunam në tregjet globale këtë vit, por në …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *