“Venecia” sjell raportin paraprak/ “Zëri i Amerikës” zbulon opinionin për emërimet në Kushtetuese

Në përplasjen mes presidencës e qeverisë për betimin e anëtarëve të Kushtetueses, në një raport të tijin paraprak Komisioni i Venecias vlerëson se mënyra se si është vepruar krijon mundesi të gjitha emërimet përveç, Besnik Muçit te janë bëre në mënyrë antikushtetuese. Në raportin e bërë publik nga “Zëri i Amerikës”, “Venecia” interpreton se Këshilli i Emërimeve në Drejtësi ka pasur një sërë mangësish që nga vonesat, mosfunksionimi e deri te vendimet që “Venecia” i quan të diskutueshme.

Në raport thuhet se kërkesat e vitit 2017 dhe 2018, që KED të mos bënte renditjen e kandidatëve, nuk janë të bazuara në ligj. Nuk ishte e parashikuar as në Kushtetutë dhe as në ligj, që anëtarët e keshillit te emrimeve të kishin kaluar procesin e vetingut.Vencias i kërkon KED të bej transparencë procesin e emërimeve, në publikimin e proces-verbaleve të mbledhjeve  dhe në vlerësimin e kandidatëve të marrë pjesë edhe Avokati i Popullit, i cili u përjashtua nga ky institucion.

KED kritikohet edhe për kohën e hartimit dhe dërgimit të emërimeve, si nga presidenti dhe parlamenti duke vlerësuar se është e qartë që data e dërgimit të listave do të kishte pasoja të rëndësishme për shkak të afatit 30 ditor të zgjedhjes së kandidatëve. Procesi i bllokuar i emërimit të anëtarëve të Gjykatës sipas Venecias nxjerr në pah vështirësitë në zbatimin e kushtetutës dhe ligjeve, duke rrezikuar futjen e sistemit institucional në paralizë. Në këtë opinion paraprak komisioni i bën thirrje institucioneve të njohin legjimitetin e tjetrit për emërimin e tre anëtarëve të tjerë të “Kushtetueses”.

Pas publikimit të raportit paraprak nga “Zëri i Amerikës” qeveria deklaroi se deri në daljen e një opinioni përfundimtar, dekreti i kthyer nga kreu i shtetit nuk do të shqyrtohet në kuvend. Vendim i cili u mbështet nga ambasada e Amerikës në Tiranës, ku mes të tjerash kërkoi respektim edhe të konfidencialitetit deri në një opinion përfundimtar.

Check Also

Rama: OSBE, mision i suksesshëm, tani duam Këshillin e Sigurimit në OKB

Shqipëria e vlerëson të suksesshme Presidencën e OSBE-së, pavarësisht vështirësive që dolën përgjatë këtij viti …

18 të vdekur, 801 raste të reja me Covid-19 në 24 orë

Ministria e Shëndetësisë dhe Mbrojtjes Sociale ka njoftuar se në 24 orët e fundit kanë ndërruar …

SPAK dërgon për gjykim çështjen ndaj ish-drejtorit të Tatimeve Korçë

Struktura e Posaçme Anti Korrupsion, SPAK, njoftoi të premten se kishte dërguar për gjykim në …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *