“Stop gallatave e këshillave me raki e limon, ndryshe do na shkundë”

Ambasadori shqiptar në Kinë, Selim Belortaja ka reaguar me anë të një statusi në Facebook pas konfirmimit zyrtar të dy raste me koronavirus në Shqipëri.

Belortaja shkruan se shteti dhe qytetarët duhet të marrin masa të forta dhe të mos bëjnë më qyfyre e gallata se ne jemi racë e fortë si shqiptarë, apo se pijet alkoolike si rakia dhe limoni e luftës këtë virus vdekjeprurës.

Belortaja duke publikuar hartën e shteteve të prekura ku Shqipëria një ditë më parë ishte te zona gri, shkruan se kjo pritej dhe nisur nga fakti se me Italinë vijonin kontaktet.

“ Asgjë e re s’ka ndodhur. Ato 2-3 ishujt e vegjël s’mund të qëndronin për shumë kohë gri. Me Italinë ne ishim thuajse “njësh” me avionat dhe tragetet e përditshme. Bashkimi me “hartën e kuqe” aty ishte, sot vetëm sa u zyrtarizua.

Kjo eeshtee keq sigurisht, por ka dhe një të mirë: uljen tonë me këmbë në tokë! Mbylljen e stacionit të ..Gallatës! Stopin e ..qyfyreve, kunjave e shakave tona bajate, të folklorizmave si ..“është si punë gripi, po ..një çikë me i fortë se gripi”! apo “jemi racë e fortë”; të këshillave qesharake si ….”hani limona e pini raki”! “është kot kjo e kot ajo…”, etj.

Ngjeshjes e gajasjes sonë të papërgjegjshme nëpër kafe, restorante, salla, stadiume dhe autobusa edhe ..për 1 stacion! Të gjithë duhet të shkundemi. Ndryshe doemos ..do të na shkundë!”, shkruan në Facebook ambasadori Belortaja, i cili ka ndjekur situatën tejet të vështirë në Kinë, zona ku shpërtheu virusi vdekjeprurës.

Check Also

Falsifikuan dokumentet, 3 të arrestuar, mes tyre drejtori i Zyrës së Tokës në Qarkun Vlorë

Policia e Vlorës ka vënë në pranga dy funksionarë publik të akuzuar për falsifikim të …

Urdhri i parë i Gledis Nanos për drejtuesit e qarqeve: Paguani policët për punën jashtë orarit, lekët të merren nga paratë e konfiskuara nga krimi

Drejtori i ri i Policisë së Shtetit, Gledis Nano, ka marrë vendimin e parë që …

Komisioni për inceneratorët hiqet nga votimi me dakordësi mes PS dhe PD

Opozita dhe mazhoranca ranë dakord të enjten që të heqin nga rendi i ditës dhe …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *