Spanja në alarm: 297 viktima nga Covid-19, del pozitive dhe gruaja e kryeministrit

Gruaja e kryeministrit spanjoll, Pedro Sanchez rezultoi pozitive ndaj koronavirusit të ri.

Zyrtarët thanë se testi i Begona Gomez ishte pozitiv, por shëndeti i kryeministrit dhe gruas së tij është i qëndrueshëm.

Më 13 mars, Spanja shpalli gjendjen e jashtëzakonshme për shkak të numrit të lartë të rasteve me Covid-19.

Ndërkohë në Spanjë janë regjistruar 297 viktima nga Covid-19 ndërsa numri i të infektuarve ka shkuar në 8,744.

Spanja është vendi më i prekur në Evropë nga koronavirusi pas Italisë.