Komiteti Shqiptar i Helsinkit: Bllokimi i shqiptarëve në kufi, trajtim johuman dhe degradues

Komiteti Shqiptar i Helsinkit e quajti “trajtim johuman dhe degradues” bllokimin e dhjetra shqiptarëve në zonën neutrale mes Greqisë dhe Shqipërisë dhe u bëri thirrje autoriteteve shqiptare që të gjejnë një zgjidhje të shpejtë dhe emergjente, përmes një deklarate për shtyp të shpërndarë të hënën.

“Qëndrimi i këtyre shtetasve në zonën neutrale për orë të tëra dhe pa kushtet minimale të jetesës vendos në rrezik jetën dhe shëndetin e tyre si dhe i nënshtron këta shtetas ndaj elementëve të trajtimit johuman dhe degradues,” thuhet në deklaratën e Komitetit.

Prej disa ditësh, dhjetra shtetas shqiptarë mbetën të bllokuar në qiell të hapura dhe në temperatura nën zeron në kufirin greko-shqiptar në Kapshticë dhe Kakavijë, pasi autoritetet shqiptare nuk i lejojnë ata të hyjnë në atdhe.

Ata janë lejuar të dalin nga Greqia, por në një qëndrim mjaft të paqartë dhe kontravers, policia shqiptare nuk i lejon ata të futen në territorin e Shqipërisë, për shkak të kufizimeve të vendosura prej situatës epidemike të COVID-19.

Komiteti Shqiptar i Helsinkit i kujton qeverisë se Kushtetuta detyron mbrojtjen e të drejtave të shtetasve shqiptarë, me banim të përkohshëm ose të përhershëm” jashtë kufijve të vet, ndërsa theksoi se çdo kufizim i përkohshëm nuk duhet të cenojë të drejtat kushtetuese të përcaktuara në nenin 17.

KShH vlerëson se ndalimi i shtetasve shqiptarë për të hyrë në vendin e tyre cënon thelbin e lirive dhe të drejtave të njeriut dhe është në tejkalim të kritereve minimum të parashikuara në nenin 17 të Kushtetutës.

Komiteti Shqiptar i Helsinkit konsideron gjithashtu të papranueshëm procedimin penal të këtyre personave, apo arrestimin për kalim të paligjshëm të tyre.

“KShH i rekomandon autoriteteve një qasje humane dhe jo ndëshkuese ndaj kësaj kategorie personash, të cilët kanë vepruar në kushtet kur liria e tyre e lëvizjes është kufizuar në mënyrë jo proporcionale dhe në kushtet për të garantuar mbijetesën, pasi nuk përballojnë dot qëndrimin dhe jetesën në vendet fqinje,” thuhet në deklaratë.

Check Also

Vala e rritjes së çmimeve në vend, nga po vjen dhe sa do të vazhdojë

Vala e rritjes së çmimeve erdhi si cunam në tregjet globale këtë vit, por në …

Urimet për Ramën, Kim, Varhelyi dhe Soreca: Fokusi te demokracia dhe integrimi

Ambasadorja amerikane Yuri Kim ka uruar kryeministrin Edi Rama për nisjen e mandatit të tretë, …

Mbledhja e parë e qeverisë, Rama me porosi dhe këshilla: Kush shkel në dërrasë të kalbur ka punë me ligjin, mbani larg të afërmit nga dyert e shtetit

Në mbledhjen e parë të Këshillit të Ministrave, kryeministri Rama nuk u kursye të japë …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *