Integrimi i Ballkanit, Borrell: BE po investon, bëni “detyrat e shtëpisë”

Përfaqësuesi i lartë i BE-së Josep Borrell ka hedhur poshtë kritikat se unioni ka lënë në harresë integrimin e vendeve të Ballkanit Perëndimor, duke thënë se Brukseli është më i dedikuar se kurrë dhe se janë vendet e rajonit ato që duhet të bëjnë detyrat e shtëpisë.

Duke folur në një konferencë online, të organizuar nga Këshilli Atlantik, Borrell tha se perspektiva evropiane mbetet motor i reformave në shtetet e rajonit dhe se “nuk është e drejtë të thuhet se BE-ja vetëm flet dhe nuk vepron” kur bëhet fjalë për zgjerimin me Ballkanin Perëndimor.

“Ne jemi duke investuar shumë para për të ndihmuar vendet e Ballkanit Perëndimor për realizimin e reformave dhe për përmirësimin e ekonomive të tyre dhe të sistemit politik dhe gjyqësor, në mënyrë që të afrohen me sistemin e BE-së”, tha Borrell.

Duke folur për hapjen e negociatave me Shqipërinë dhe tha se integrimi i Ballkanit Perëndimor në BE është një proces që zhvillohet hap pas hapi.

“Po punojmë për negociatat e pranimit me Maqedoninë e Veriut dhe Shqipërinë. Kemi rinisur negociatat midis Serbisë dhe Kosovës me të dërguarin e posaçëm Mirosllav Lajçak dhe mendoj se e kemi vënë në rrugë atë dialogun”, tha Borrell.

Si prioritete në reformat në Ballkanin Perëndimor, Borrell përmendi gjyqësorin e pavarur dhe luftën kundër korrupsionit.

“Vendet e Ballkanit Perëndimor duhet t’i bëjnë detyrat e shtëpisë, të kryejnë reforma dhe të përmbushin standardet, në mënyrë që të pranohen si anëtare”, tha ai. Sipas tij, mbështetja e BE-së për Ballkanin Perëndimor është më e madhe se mbështetja që merr rajoni nga Kina, Rusia dhe Turqia.

“Plani ynë i investimeve ekonomike për Ballkanin Perëndimor arrin në 9 miliardë euro për adresimin e aspekteve shëndetësore dhe ekonomike”, tha Borrell, duke shtuar se BE-ja po përpiqet të ndihmojë edhe me vaksina ndërkohë që edhe vetë po përballet me mungesë furnizimesh.

Ai po ashtu theksoi se Ballkani Perëndimor ndodhet në mesin e prioriteteve të bashkëpunimit midis BE-së dhe Shteteve të Bashkuara.

“Kemi mjaft shenja pozitive. Administrata e re e presidentit amerikan, Joe Biden po punon me aleatët, e njeh rëndësinë e BE-së dhe e konsideron atë mike, e jo vetëm partnere”, tha kryediplomati i BE-së.

Check Also

Meta thirrje prokurorisë: Hetoni menjëherë skandalin e rëndë të kreut të Kadastrës Artan Lame, audiopërgjim tronditës

Presidenti Meta i ka bërë thirrje prokurorisë që të nisë hetimet pas publikimit të materialit …

Gazetari publikon audion: Artan Lame instrukton punonjësit të mashtrojnë 100 mijë qytetarë për legalizimet: S’do ju bëhet po mbajini varur se votojnë palën tjetër

Kreu i Kadastrës, Artan Lame, është shfaqur në një material audio duke këshilluar punonjësit e …

Mediat greke: Truku i Ramës me karantinën 14-ditore, po dekurajon shqiptarët të udhëtojnë për votimet

Ndërsa raportojnë lajmin për karantinën 14-ditore të vendosur ditën e djeshme nga Komiteti Teknik i …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *