“Hije korrupsioni”, PD pyet publikisht ministren Balluku për koncesionin Thumanë-Kashar

Departamenti Anti-Korrupsion në Partinë Demokratike ka ngritur 3 pyetje publike për ministren e Infrastrukturës, Belinda Balluku lidhur me koncensionin e aksit Thumanë-Kashar-Lekaj.

Sipas këtij departamenti, koncesioni ishte korruptiv dhe Partia Demokratike dokumentoi sesi ishte dyfishuar vlera reale e ndërtimit të rrugës dhe ishte zgjedhur drejtpërdrejtë oligarku, mik i Kryeministrit.

 “Qeveria ka anuluar kontratën koncesionare me PPP për ndërtimin e segmentit Thumanë – Kashar – Lekaj.
Anulimi i një koncesioni korruptiv është një lajm i mirë për qytetarët. Mirëpo, nuk mund të jetë lajm i mirë, nëse anulimi nuk është bërë për të luftuar aktin e parë korruptiv, por për qëllime të tjera më madhore korruptive.
Ministria e Infrastrukturës pritet që shumë shpejtë të hapë “garë” për ndërtim me koncesion të tipit BOT, për këtë aks rrugorë, që nënkupton ndërtimin e rrugës nga kapitali privat, dhe më pas kompania përfiton fondet nga taksimi i aksit për një periudhë së paku 30 vjeçare
”, thuhet në deklaratën e departamentit anti-korrupsion në PD, bashkangjitur me një shkrim të revistës Monitor mbi këtë çështje.

Pyetjet që i drejtojnë Ministrisë së Infrastrukturës janë:
1.   A është paracaktuar si fituese e kësaj procedure fiktive kompania “TERNA” dhe a ka kontakte personale Ministrja Belinda Balluku me këtë kompani?
2.   A është urdhëruar Komisioni që të hartojë kriteret dhe dokumentat e tenderit, duke ja përshtatur ato klientit të paracaktuar dhe me të cilin ka arritur pazarin e rradhës?
3.   A janë duke u hartuar propozimi teknik dhe financiar, si dhe kriteret e tenderit, sipas kushteve që i plotëson vetëm një kompani, duke eleminuar në këtë mënyrë konkurencën e lirë, që është parakusht ligjor për çdo prokurim publik?

Check Also

Zanafilla e inceneratorëve: Emergjenca mjedisore u shpall pa bazë ligjore

Në fillim të shkurtit 2014, pesë zëvendësministra të qeverisë së udhëhequr nga kryeministri Edi Rama …

Argumentimi qesharak i gjyqtarit Erjon Bani, ish-ministri Koka u la në burg për t’i “rregulluar imazhin drejtësisë”(!)

Gjykata e Posaçme kundër Krimit të Organizuar dhe Korrupsionit vendosi sërish të rrëzojë kërkesën e …

Ballkani i Hapur? Rama: Do të presim e shohim reagimin e Serbisë

Shqipëria nuk ka pse të ndjehet e rrezikuar nga agresoni rus në Ukrainë, ndërsa vendi, …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *