Brukseli propozon kufizim 30-ditor për të gjitha udhëtimet jo thelbësore në BE

Brukseli ka propozuar një kufizim prej 30-ditësh për të gjitha udhëtimet jo thelbësore në Bashkimin Europian, si një përpjekje për të kontrolluar përhapjen e koronavirusit.

Presidentja e Komisionit Europian, Ursula von der Leyen deklaroi se këto masa janë një përpjekje për të lehtësuar trysninë mbi sistemin e kujdesit shëndetësor.

“U propozoj krerëve të shteteve dhe qeverive të vendosin kufizime të përkohshme për udhëtimet. Këto kufizime duhet të qëndrojnë në fuqi, të paktën fillimisht, për një periudhë prej 30 ditësh, por ato mund të zgjaten nëse është e nevojshme. Këtu në Europë, po rritet numri i të prekurve. Dhe ne e dimë se gjithçka që zvogëlon ndërveprimin shoqëror gjithashtu zvogëlon shpejtësinë e përhapjes së virusit. Sa më pak të udhëtojmë, aq më shumë mund do të përmbajmë virusin” tha Presidentja e KE-së.

Nga kjo masë, sipas Von der Leyen përjashtim bënjë familjarët rezidentë ose ata që janë pjesë e vendeve anëtare të BE, diplomatët, mjekët e punonjësit e kujdesit shëndetësor, shkruan Euronews.

Është ende e paqartë nëse kufizimet do të futen në fuqi dhe nëse po, kur do të futen. Pritet të shihet çfarë do të ndodhë të martën, pasi udhëheqësit europianë kanë planifikuar një videokoferencë për të diskutuar për shpërthimin e koronavirusit.

Check Also

Plan për të sulmuar Vis Martinaj, një shef në Policinë e Shtetit jepte informacion te “Doqja” e vëllezërit Duka

Sigurimi i informacioneve për lëvizjet jashtë shtetit të Ervis Martinaj dhe kalimin e tyre tek …

Rama ‘vodhi’ idenë e Erdogan/ Ku do i gjejë KM shqiptar 1 miliardë dollarë për 2 satelitët?!

“Qeshni, qeshni ju, po do e shikoni”, me këto fjalë iu drejtua kryeministri Edi Rama …

Inceneratori, LSI çon në SPAK Lefter Kokën, deputetin e PS dhe kryebashkiakun e Fierit

LSI ka dorëzuar tre kallëzime në SPAK për ish-drejtuesit e Ministrisë së Mjedisit në lidhje …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *