Basha reagon pas deklaratave të Berishës: Dhimbja mu dyfishua nga ajo çfarë tha, por koha do të jetë ilaçi më i mirë

Teksa Lindita Nikolla po mbante fjalimin e parë si kryetare e Kuvendit, kryetari i PD-së, Lulzim Basha bashkë me deputetët e PD-së lanë sallën për të qëndruar si grup në një deklaratë për mediat.

Me duart e kryqëzuara, Basha kishte një mesazh të drejtpërdrejtë jo për Edi Ramën, por për Sali Berishën.

Ai sqaroi se armiku i tij i vetëm është Edi Rama dhe se nuk ishte ndjerë aspak mirë kur kishte dëgjuar reagimin e Sali Berishës ditën e premte se ai dhe Rama po bëjnë bashkë një “marrëveshje të fëlliqur”.

“Kam ndjekur me dhimbje të madhe reagimin e doktor Berishës, konsideratën për të cilin e kam shprehur në mënyrë të plotë dhe të qartë mbrëmë dhe asaj nuk i lëviz asnjë presje.

Dhimbja që ndjej në nivel personal dhe njerëzor për vendimin që u detyrova të marr dje është dyfishuar sot nga gjuha e përdorur nga z. Berisha.

Shpresoj dhe uroj që koha të jetë ilaçi më i mirë, dhe të gjithë të fokusohemi te armiku i vetëm që është regjimi i Edi Ramës, problemi kryesor për të sotmen dhe të nesërmen e shqiptarëve”, tha Basha.

I pyetur nga gazetarët nëse ka një marrëveshje me kryeministrin Edi Rama, kryedemokrati Basha tha: “Edhe një herë shpreh keqardhjen më të thellë që tezat e kundërshtarit tim të vetëm, të PD-së dhe të çdo shqiptari të ndershëm, Edi Ramës, i kam dëgjuar të artikuluara nga goja e një njeriu, vlerësimin për kontributin e të cilit e kam dhënë dje dhe e përsëris edhe sot“.

Check Also

Çdo javë tampon nga mësuesit dhe studentët që refuzojnë vaksinën

Rriten infektimet nga përhpaja e variantit Delta, por kufizimet për qytetarët nuk ndryshojnë. Komiteti i …

Dënimi me 2 vite burg i Llallës, reagon Kim: Askush nuk është mbi ligjin, drejtësia kundër zyrtarëve të korruptuar

Ambasadorja amerikane në vendin tonë Yuri Kim ka reaguar pas vendimit të Gjykatës së Posaçme …

Vala e rritjes së çmimeve në vend, nga po vjen dhe sa do të vazhdojë

Vala e rritjes së çmimeve erdhi si cunam në tregjet globale këtë vit, por në …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *