“Twitter” pezullon kongresisten republikane pas postimeve të saj kundër vaksinave

“Twitter”-i ka pezulluar përkohësisht ligjvënësen republikane Marjorie Taylor Greene, për postimin e informacioneve të rreme në lidhje me koronavirusin.

Gjiganti i mediave sociale tha se llogaria e republikanes do të ishte në “modalitetin vetëm për lexim” për 12 orë, duke e penguar atë të bëjë postime.

Znj. Greene, një kongresiste republikane, ka qenë një kritike e hapur e vaksinave dhe përdorimit të maskave.

Siç shkruan BBC, në dy postime të hënën, ajo argumentoi se vaksinat nuk duheshin kërkuar dhe se Covid nuk ishte i rrezikshëm për njerëzit e moshës nën 65 vjeç që nuk janë mbipeshë.

Të dy postimet janë ende të dukshëm, por janë etiketuar nga Twitter si “të rreme”.

Zonja Greene u pezullua edhe në Prill nga ky rrjet social, por kompania më vonë hoqi dorë nga ndalimi, duke thënë se ishte një gabim i shkaktuar nga sistemi i saj i moderimit.

Në përgjigje të pezullimit të fundit, zonja Greene tha se firmat e Silicon Valley po sulmonin fjalën e lirë me mbështetje nga Shtëpia e Bardhë.

“Këto kompani Big Tech po zbatojnë urdhrat e regjimit të Bidenit për të kufizuar zërin tonë dhe për të parandaluar përhapjen e çdo mesazhi që nuk është i aprovuar nga shteti.”- tha ajo në një deklaratë për New York Times. Javën e kaluar, Presidenti Joe Biden u bëri thirrje firmave të mediave sociale të ndërmarrin më shumë veprime kundër përhapjes së informacionit të rremë në platformat e tyre rreth koronavirusit dhe vaksinave.

“Ata po vrasin njerëz.”- u tha Biden gazetarëve. “E vetmja pandemi që kemi është midis të pavaksinuarve.”

Check Also

Meshkujt që shohin shpesh porno kanë më shumë gjasa të kenë probleme me ereksionin – Studimi

Studiuesit kanë zbuluar një lidhje midis shikimit të pornografisë dhe problemeve erektile te meshkujt, me …

Erdogan njofton hapjen e Famagustës

Presidenti turk, Recep Tayyip Erdogan ka paralajmëruar së fundmi hapjen e pjesshme të qytetit të …

Ligji në Norvegji, të detyruar të tregoni nëse përdorni photoshop në fotografi

Në “epokën kardashian” ku mania për perfeksion është rritur ndjeshëm, në pamundësi për të pasur …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *