Shkodra, qyteti që po kërcënon me një katastrofë?

Bilanci i të prekurve me COVID-19 është rritur ndjeshëm dy ditët e fundit dhe kjo për shkak të zgjerimit të numrit të të infektuarve sidomos në Shkodër. 12 raste të rinj dje dhe 9 sot të gjithë brenda dy fiseve. Atëherë kur menduam se situata ishte nën kontroll dhe do i përfitonim disa lëshime, gjithçka duket se po kthehet në zero.

Shkodranët nuk e morën seriozisht që në fillim këtë virus. Kujtojmë zonjën e moshuar që më pas u kthye edhe në meme se thoshte: “Për çfarë me pas frikë. Ne shkodranët jemi gur, jemi malësorë, racë e fortë. Koronavirusi iu bie atyre që janë të liq, dhe kanë bërë gurgule, kanë mbyllur njerëzit brenda. As mos kini hiç frikë prej kësaj pune. Unë s’kam frikë hiç”. Ishte 15 mars, videoja e saj bëri xhiron e rrjetit.

Tregjet vazhdonin plot, rrugët plot, e famshmja ura e vjetër e Bunës dhe shëtitorja “Molos” nuk u braktisën. Këto foto të publikuara nga mediat në 18 mars shfaqin të rinj grupe-grupe, ca në shëtitje, ca të ulur në stola.

Shkodranët vazhduan të përditshmen rutinë pa hequr dorë nga asgjë dhe askush nuk ia tërhoqi vëmendjen, veç mediave që publikonin foto e video nga xhirot në këmbë e me biçikleta.

As kryetarja e Bashkisë nuk la ndonjë mesazh publik për distancim social, për t`u mbyllur brenda, për të rezistuar si gjithë pjesa tjetër e vendit. Postimi i saj i fundit në Instagram është bërë që në 8 mars për të uruar gratë për festën protest dhe kaq.

Disa statuse në Facebook janë lëshuar në formë sulmi për qeverinë, buxhetin e të tjera si këto.

Dhe 5 ditë pas publikimit të fotove dhe videove nga rrugët plot të Shkodrës doli rasti i parë i një zonje të infektuar. Që nga ajo ditë dhe sot janë 31 raste, duke ndjekur Durrësin me 33 raste.

Çfarë po ndodh aktualisht? A e kanë kuptuar vallë shkodranët sa serioze është gjendja?

Check Also

Foto e tyre bëri xhiron e rrjetit, kush është biznesmenia e përqafuar me Donald Veshajn

Lajmi për ndarjen e Beatrix dhe Donald u zbeh shpejt, kur në rrjet qarkulluan fotot …

Vrasja e rreqebullit; aktivistët denoncojnë mosveprimin e Prokurorisë së Elbasanit

Prokuroria e Elbasanit i kërkoi Gjykatës së Shkallës së Parë Elbasan të pushojë çështjen e …

Ky fshat italian ishte i famshëm për të moshuarit…por pastaj ata u zhdukën

Që nga vitet 1990, Campodimele, një fshat që shtrihet në kodra, në Italinë qendrore, është …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *