Mungonte gjuha shqipe, bashkia zvicerane shfajësohet për instalacionin që ofendoi shqiptarët

Një instalacion në formën e zemrës në qendër të qytetit të Bulle në Zvicër ka shkaktuar pakënaqësi mes komunitetit shqiptar në vend.

Instalacioni, i vendosur ditët e fundit, ka të gdhendur në fund të tij fjalën “Faleminderit” të shkruar në 12 gjuhë, por qytetarët thonë se ajo nuk është shkruar në shqip.

“Është e papranueshme për një vend, ku shumë prej nesh e flasim atë gjuhë”, thotë një prej qytetarëve.

Pas pakënaqësive të komunitetit shqiptar, zëdhënësi i bashkisë Alain Sansonnens tha se instalacioni ishte një dhuratë së bashku me dritat dhe zbukurimet e tjera të festave të fundvitit dhe se bashkia nuk ishte e përfshirë në zgjedhjen e gjuhëve të gdhendura në të.

“Nuk kishim asnjë dëshirë për të ofenduar komunitetin shqip-folës të qytetin tonë”, është shprehur ai.

Numri i total i emigranteve që jetojnë në qytetin Bulle është 9,899 ku 778 prej tyre janë shqiptarë të Kosovës.

Të paktën 250,000 shqiptarë jetojnë në Zvicër, një pjesë e tyre prej Kosovës dhe Maqedonisë së Veriut. Shqiptarët kanë emigruar në Zvicër që prej viteve 1990, dhe përbëjnë rreth 2% të popullsisë në vend. Gjuha shqipe është gjuha e dytë më e përdorur e emigrantëve në Zvicër pas gjuhës serbo-kroate.

 

Check Also

Disa ditë pas martesës, Prokuroria trondit Fjolla Morinën, ndryshon akuza

Ka ndryshuar akuza për këngëtaren Fjolla Morina, nga “armëmbajtje pa leje”, “në trafikim të armëve …

Përmbytjet në Tiranë, fotoja që tërhoqi vëmendjen e “The Guardian” në 2016

Nga njëri dimër në tjetrin sapo tërhiqen ujërat, ne harrojmë. Por përmbytjet tek ne janë …

Certifikata dixhitale vaksinimi …Ja se si të shkoni me pushime këtë vit

Deri në fund të pandemisë, do të ketë dy kategori turistësh në Greqi – ata …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *