Kryeministri irlandez i rikthehet profesionit të mjekut për të ndihmuar në luftën kundër koronavirusit

Kryeministri irlandez Leo Varadkar e ka vënë emrin e tij përsëri në regjistrin mjekësor duke u vetëofruar për të ndihmuar shërbimin shëndetësor gjatë krizës së koronavirusit.

Varadkar ka punuar si mjek para se të zgjidhej në Dáil (Parlamenti Irlandez). Ai u largua nga profesioni si mjek në vitin 2013, një vit para se të emërohej ministër i shëndetësisë.

Por sipas The Irish Times, muajin e kaluar ai u regjistrua përsëri si mjek. Gazeta shkruan se Varadkar është i vendosur të punojë në turne javore, në një zonë të përshtatshme për kualifikimet e tij dhe do të ndihmojë edhe në vlerësimet në telefon.

Kjo lëvizje vjen pas një apeli nga ekzekutivi i Shërbimit Shëndetësor Irlandez (HSE) për ish-punonjësit e shëndetit, që e kishin lënë profesionin të regjistroheshin përsëri për punë gjatë pandemisë.

Deri më tani, në Republikën e Irlandës numri i viktimave ka shkuar në 158, me 21 prej tyre të regjistruara vetëm ditën e djeshme.

Check Also

Foto e tyre bëri xhiron e rrjetit, kush është biznesmenia e përqafuar me Donald Veshajn

Lajmi për ndarjen e Beatrix dhe Donald u zbeh shpejt, kur në rrjet qarkulluan fotot …

Vrasja e rreqebullit; aktivistët denoncojnë mosveprimin e Prokurorisë së Elbasanit

Prokuroria e Elbasanit i kërkoi Gjykatës së Shkallës së Parë Elbasan të pushojë çështjen e …

Ky fshat italian ishte i famshëm për të moshuarit…por pastaj ata u zhdukën

Që nga vitet 1990, Campodimele, një fshat që shtrihet në kodra, në Italinë qendrore, është …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *