Suedia nuk kuron më koronavirusin me ilaçin e këshilluar nga Trump, ka efekte anësore “të frikshme”

Nga emrat e diskutuara si medikamente që kanë një efekt ndaj koronavirusit, hidrosiklorokina ose më mirë Plaquenil, siç njihet në treg, është ai më i njohur.

Sponsori i tij më i madh ka qenë vetë presidenti i SHBA Donald Trump, pasi një studim kinez kishte treguar rezultate inkurajuese në Wuhan.

Por një nga pikëpyetjet e mëdha për ketë ilaç, i miksuar shpesh herë me azotromicinën, janë efektet anësore të tij.

Për këtë arsyeje spitalet në Suedi, vend që kishin përkrahur testimin e Plaquenilit në rastet e pacientëve në gjendje të rëndë nga COVID-19, kanë njoftuar se kanë ndërprerë ilaçin në fjalë.

Pacientët, sipas mjekëve të spitalit të Gotaland, filluan të shprehnin shqetësime si humbje e përkohshme e shikimit, migrenë të fortë, rritje të palpitacioneve.

Njëri prej tyre, ka treguar sesi disa ditë pas kurës ai filloi të kishte dhimbje koke të tilla sikur po futej në “një kabinë elektrike”.

Për më shumë, mjekët nuk arritën të vlerësonin efekte çudibërëse ndaj koronavirusit, të tilla që të justifikonin efektet anësore.

Ndërkohë, shumë testime mbi këtë ilaç po kryhen në botë, veçanërisht në universitetin e Oksfordit, ku po merren parasysh rreth 1000 raste nga 137 spitale të ndryshme, ose në Itali, ku janë 2000 të testuarit dhe priten rezultatet.

Check Also

Izraeli paralajmëron qytetarët të mos shkojnë në Turqi, kjo është arsyeja

Izraeli ka paralajmëruar qytetarët e tij që të mos udhëtojnë në Turqi, duke përmendur kërcënimet …

“Fortesa” financiare ruse s’mund t’i përballojë sanksionet në afatgjatë

Rusia ka shpenzuar shtatë vitet e fundit duke krijuar mbrojtje të jashtëzakonshme financiare, megjithatë në …

Putin thirrje ushtrisë ukrainase: Merrni pushtetin dhe largoni Zelenskyn

“Ndoshta hera e fundit që më shihni të gjallë”. Kështu u shpreh Presidenti i Ukrainës …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *