Italia në gjunjë… bilanci i viktimave rritet me 793

Italia vijon të shpërndajë dhimbje për shkak të koronavirusit të ri me origjinë nga Kina. Ora 18:00 e pasditeve në vendin fqinjë është kthyer në një moment heshtje kur kreu i Mbrojtjes Civile, Borrelli jep të dhënat e fundit në vend si pasojë e epidemisë.

793 persona kanë humbur jetën në 24 orët e fundit në vendin fqinjë duke e çuar në 5463 në total numrin e viktimave, një numër ky që bën të përlotet këdo. Rastet e të prekurve të rinj u rritën me 4800 në një ditë.

Zona më e prekur nga Covid-19, vijon të jetë ajo e Lombardisë, ku sipas autoriteteve zyrtarë ditën e fundit kanë humbur jetën 546 persona.

Vendi po përballet dhe me një nevojë të shtuar për staf mjekësor dhe kryeministri Conte një ditë më parë nxorri thirrjen për të gjithë mjekët jashtë sistemit që duan t’i bashkohen një Task Force për të luftuar këtë armik të ri. Thirrjes deri në këto momente i janë përgjigjur mbi 3500 mjekë.

Autoritetet shëndetësore u shprehën një ditë më parë se pikë në Itali do të vijojë dhe për disa ditë dhe do të fillojë të ulet gjatë javës së ardhshme. Për këtë arsye në shumë rajonë janë ndërmarrë dhe masa më të ashpra ku autoritetet nuk lejojnë më njerëzit të dalin xhiro apo nëpër parqe.

Check Also

Los Anxhelos rikthen maskat, Biden: Vala e re e pandemisë, tek të pavaksinuarit

Presidenti i Shteteve të Bashkuara të Amerikës, Joe Biden, i pyetur nëse amerikanët do të …

Reforma në drejtësi, Xhafaj: 24 orë para miratimit, diskutohej të binte qeveria. Sot ka të penduar nga ata që e kaluan

22 korriku i këtij viti shënjon 5 vjetorin e miratimit të ndryshimeve kushtetuese, themelin ligjor …

Dionis Biba, personazh i njohur i rrjeteve sociale, u kap brenda shtëpisë së barit, dënohet me 15 muaj në Angli

Dionis Biba është një personazh i njohur i rrjeteve sociale pasi përmes videove në Instagram …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *