Pompeo: Marrëveshja me talibanët do nënshkruhet më 29 shkurt

Sekretari amerikan i Shtetit, Mike Pompeo tha se marrëveshja e paqes mes Shteteve të Bashkuara dhe talibanëve në Afganistan do të nënshkruhet më 29 shkurt.

“Shtetet e Bashkuara dhe talibanët janë angazhuar në bisedime për të lehtësuar një zgjidhje politike, për t’i dhënë fund konfliktit në Afganistan si dhe për të zvogëluar praninë e SHBA-së në rajon”, thuhet në deklaratën e Pompeos.

Marrëveshja vjen pas më shumë se një viti bisedimesh midis përfaqësuesve të talibanëve dhe atyre të Shteteve Bashkuara.

Qeveria afgane, nuk ishte pjesë e negociatave.

Në dhjetor të vitit 2018, talibanët njoftuan se ata do të takohen me zyrtarë amerikanë në përpjekje për të gjetur një “udhërrëfyes për paqen”.

Por, militantët vazhduan të refuzojnë të zhvillojnë bisedime zyrtare me qeverinë afgane, duke i cilësuar ata si “kukulla” të perëndimit.

Pas nëntë raundesh bisedimesh SHBA-talibanë në Katar, të dyja palët dukeshin afër një marrëveshjeje.

Negociatori i lartë i Uashingtonit njoftoi në shtator të vitit 2019, se SHBA-ja do të tërhiqte 5.400 trupa nga Afganistani brenda 20 javësh, si pjesë e një marrëveshjeje të rënë dakord “në parim” me militantët talibanë.

Por, disa ditë më vonë, presidenti amerikan, Donald Trump, tha se bisedimet ishin “të vdekura”, pasi grupi militant mori përgjegjësinë për vrasjen e një ushtari amerikan.

Forcat amerikane janë në Afganistan që prej pushtimit më 2001, që kishte për qëllim rrëzimin e talibanëve nga pushteti.

Check Also

Izraeli paralajmëron qytetarët të mos shkojnë në Turqi, kjo është arsyeja

Izraeli ka paralajmëruar qytetarët e tij që të mos udhëtojnë në Turqi, duke përmendur kërcënimet …

“Fortesa” financiare ruse s’mund t’i përballojë sanksionet në afatgjatë

Rusia ka shpenzuar shtatë vitet e fundit duke krijuar mbrojtje të jashtëzakonshme financiare, megjithatë në …

Putin thirrje ushtrisë ukrainase: Merrni pushtetin dhe largoni Zelenskyn

“Ndoshta hera e fundit që më shihni të gjallë”. Kështu u shpreh Presidenti i Ukrainës …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *