Pekini dëbon gazetarët amerikanë, Trump cilëson koronavirusin si “kinez”

Në vend që të qetësohen “gjakrat”, duke parë situatën alarmante shëndetësore dhe ekonomike globale për shkak të përhapjes së koronavirusit, tensioni midis Kinës dhe SHBA ka arritur kulme të reja.

Me një vendim të paprecedent gjatë dekadave të fundit, Pekini zyrtar ka deklaruar dëbimin e gazetarëve të disa prej mediave më prestigjioze amerikane që kanë korrespondentë në vendin aziatik, si New York Times, Washington Post dhe Wall Street Journal.

Teknikisht, gazetarëve nuk do t’i rinovohet tesera, dhe nuk do t’ i lejohet raportimi në terren jo vetëm në Kinë, por as në Macao dhe në Hong Kong, vend ky i preferuar nga gazetarët amerikanë.

Vendimi vjen pasi një muaj më parë, Uashingtoni ndryshoi statusin e 5 mediave shtetërore kineze në Amerikë, duke i quajtur “misione të huaja”, praktikisht seli diplomatike dhe jo mediatike. Mediat kineze në këtë mënyrë duhet të njoftonin Departamentin e Shtetit për çdo person që punonte aty, si dhe për çdo ndryshim burokratik dhe administrativ.

Tonet kanë arritur kulmin edhe në frontin e koronavirusit, me zyrtarë kinezë që në deklaratat e tyre nënkuptonin faktin që virusi mund të kishte një prejardhje amerikane, dhe me presidentin e SHBA Donald Trump që në konferencën e djeshme të shtypit për koronaviruasin e ka cilësuar atë si “virus kinez”, duke pasuar kritikat e menjëhershme të Pekinit.

Check Also

Ndërtimet shtohen, por qytetarët nuk e ”duan” më Tiranën, shtesa e popullsisë në kryeqytet më e ulëta nga viti 2000

Kryeqyteti i vendit është përfshirë në një bum ndërtimesh vitet e fundit, por po bëhet …

Kërkuan rrëzimin e nenit të Kodit Zgjedhor për ndarjen e mandateve, ‘Kushtetuesja’ cakton seancën për kërkesën e Patozit dhe Murrizit

Gjykata Kushtetuese do të shqyrtojë më 9 qershor 2021 kërkesën e Partisë Bindja Demokratike dhe …

Një vit pandemi, miq dhe familjarë mund të përqafohen në Britaninë e Madhe, Johnson njofton lehtësimet

Miqtë dhe familjarët në Britaninë e Madhe mund të përqafohen për herë të parë pas …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *