Një anëtar i stafit të NATO-s rezulton pozitiv me COVID-19

Mund të konfirmojmë që një anëtar i stafit të NATO-s, i cili punon në selinë e NATO-s në Bruksel ka dalë pozitiv për COVID-19, thuhet në njoftimin e sotëm për shtyp të NATO-s.

”Anëtari i stafit ishte rikthyer nga një pushim në veri të Italisë, ishte ndjerë keq fundjavën e kaluar dhe ishte kontrolluar për shkak të shfaqjes së simptomave të ngjashme me ethet. Anëtari i stafit aktualisht është në shtëpi në izolim. Brenda disa minutave nga marrja e rezultatit, të gjithë kolegët e tij të punës u informuan menjëherë. Që nga fundjava e kaluar ata kanë punuar nga shtëpia dhe vazhdojnë ta bëjnë këtë. I gjithë personeli i selisë së NATO-s është informuar për rastin e konfirmuar”, shton njoftimi.

”NATO vazhdon të monitorojë situatën në mënyrë të vazhdueshme dhe të marrë të gjitha masat e nevojshme”, thekson ai.

”Për të siguruar sigurinë e stafit dhe vizitorëve, NATO tashmë ka ndërmarrë masa parandaluese në selinë tonë, bazuar në udhëzimet e Organizatës Botërore të Shëndetësisë për të zvogëluar rrezikun e përhapjes së mëtejshme të infeksionit. Këto përfshijnë pezullimin e përkohshëm të udhëtimeve të caktuara të stafit, inkurajimin e stafit për të punuar nga shtëpia dhe pezullimin e përkohshëm të vizitave në grupe në selinë e NATO-s në Bruksel. Ne mbetemi në kontakt të ngushtë me autoritetet belge. NATO ka plane të mëdha të aktivitetit të saj dhe siguron se puna jonë thelbësore do të vazhdojë”, përfundon njoftimi i NATO-s.

Check Also

Izraeli paralajmëron qytetarët të mos shkojnë në Turqi, kjo është arsyeja

Izraeli ka paralajmëruar qytetarët e tij që të mos udhëtojnë në Turqi, duke përmendur kërcënimet …

“Fortesa” financiare ruse s’mund t’i përballojë sanksionet në afatgjatë

Rusia ka shpenzuar shtatë vitet e fundit duke krijuar mbrojtje të jashtëzakonshme financiare, megjithatë në …

Putin thirrje ushtrisë ukrainase: Merrni pushtetin dhe largoni Zelenskyn

“Ndoshta hera e fundit që më shihni të gjallë”. Kështu u shpreh Presidenti i Ukrainës …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *