Në dy javë 1 mln të papunë në Europë, numri real shumë më i lartë

Të paktën një milion njerëz kanë humbur punën e tyre gjatë dy javëve të fundit në Evropë, sipas të dhënave më të fundit nga Konfederata e Sindikatës Evropiane (ETUC).

Shifra befasuese vjen nga raportet e paraqitura nga sindikatat në të gjithë Evropën, dhe përfshin vetëm punonjës kontraktues që kanë aplikuar për përfitime të papunësisë.

“Ajo që ne po përjetojmë në këtë moment, veçanërisht në javën e fundit, është se numri i kompanive që zhduken nga tregu po rritet në mënyrë dramatike.

Mijëra e mijëra ndërmarrje të vogla dhe të mesme që janë bllokuar nuk do të mund të kthehen në treg, sepse po shuhen. Dhe nga ana tjetër ne jemi dëshmitarë se të paktën një milion punëtorë që u bënë të papunë nëpër vendet e ndryshme të Evropës”, shpjegon Luca Visentini, Sekretarja e Përgjithshme e ETUC.

Numri i vërtetë, përfshirë ato pa kontrata dhe të vetëpunësuarit, mund të jetë shumë më i lartë.

“A mund ta imagjinoni se çfarë do të ndodhë pas Pashkëve nëse kjo situatë nuk menaxhohet disa masa urgjente?”, pyet Vicentini.

Javën e kaluar Organizata Ndërkombëtare e Punës raportoi se humbjet e mundshme të vendeve të punës mund të arrijnë në 36 milionë.

“Pjesa më e madhe e këtyre humbjeve do të ndodhin në Evropë, nëse Evropa nuk merr vendime urgjente se si të merret me këtë urgjencë,” paralajmëron Visentini, thotë “Euroneës”.

Sindikatat po i bëjnë thirrje BE-së të kursejë vendet e punës me sistemet e zëvendësimit të të ardhurave. Që kjo të funksionojë, nevojitet një fond prej 200-400 miliardë eurosh. Përndryshe, menaxhimi i krizave më vonë do të kushtojë shumë më tepër, sipas Visentini.

“Problemi është: nuk ka para të mjaftueshme. Kështu që e vetmja mënyrë për të siguruar që sistemet që janë në gjendje të përballojnë këtë urgjencë mund të vendosen në vendet ku nuk i kanë ato, është Bashkimi Evropian që mbledh paratë për të financuar një Evropian”.

BE tashmë ka njoftuar se do t’i lejojë vendet anëtare të përdorin fondet tashmë ekzistuese, me vlerë 37 miliardë euro.

Por komisioneri i BE-së për ekonominë pajtohet që ky mund të jetë vetëm hapi i parë.

Deri më tani, ministrat e financave të Eurozonës nuk janë pajtuar për masat. Takimi i tyre i radhës i jashtëzakonshëm do të jetë më 7 prill.

ETUC ka 45 milionë anëtarë nga 39 vende në të gjithë Evropën.

Check Also

Brukseli paralajmëron Francën për “lirinë e mediave”

Gazetarët francezë dhe organizatat për lirinë e mediave janë duke e kundërshtuar një projektligj të …

Punonjësit me Covid-19/ Plas kaosi në aeroportin e Shanghai-t

Aeroporti më i madh ndërkombëtar i Shanghait u përfshi nga kaosi kur autoritetet urdhëruan një …

Bill Gates parashikon se kur do të përballemi me pandeminë e radhës

Bill Gates, bashkëthemeluesi i Microsoft, ka parashikuar se njerëzimi do të përballet sërish me një …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *