Liderët botërorë miratojnë marrëveshjen historike për taksimin e korporatave

Udhëheqësit e 20 vendeve me ekonomitë më të mëdha në botë kanë miratuar një marrëveshje globale, sipas të cilës bizneset e mëdha do të taksohen të paktën 15% për fitimet e tyre.

Vendimi u mor në samitin e G20 në Romë dhe erdhi si pasojë e shqetësimeve se kompanitë e mëdha shumëkombëshe shpërndajnë fitimet e tyre përmes vendeve që kanë nivel të ulët taksash.

“Liderët që përfaqësojnë 80% të Prodhimit të Brendshëm Bruto të të gjithë botës – aleatë e konkurrentë bashkë – e bëmë të qartë mbështetjen tonë për një taksim minimal global”, shkroi në Twitter presidenti amerikan Biden, pas vendimit. “Kjo është më tepër se një marrëveshje për taksat, por riformësimi i ekonomisë globale dhe arritja e rezultateve për njerëzit tanë, përmes diplomacisë”.

Marrëveshja për taksimin minimal, e propozuar pikërisht nga Biden, pritet që të miratohet zyrtarisht të dielën, sipas Reuters, dhe do të hyjë në fuqi nga viti 2023. Sekretarja amerikane e Thesarit, Janet Yellen, e cila më parë ka drejtuar Rezervën Federale, tha se nga ky taksim do të përfitonin bizneset dhe punëtorët amerikanë, edhe pse korporatat me seli në SHBA do të paguajnë më shumë taksa.

Në agjendën e samitit janë edhe ndryshimet klimatike dhe pandemia e Covid-19.

Check Also

“Korrupsioni është kancer”, paralajmëron Yuri Kim: SHBA po ndërmerr hapa shtesë

Ambasadorja amerikane në Tiranë, Yuri Kim ka paralajmëruar hapa shtesë nga SHBA për të luftuar …

Gruaja e ish-deputetit që u ekzekutua nxjerr emrat dhe ndryshon dëshminë

Dyshimet se vrasja e biznesmenit shkodran Pashko Ujka mund të ketë ndodhur për shkak të …

Negociatat, pse nuk ndodhin para prillit 2022

Nën shqetësimet e përhapjes së pandemisë, vendet e Bashkimit Europian po diskutojnë pak, ose aspak …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *