Kurti u kërkon falje qytetarëve për taksën dhe koronavirusin

Kryeministri i Kosovës, Albin Kurti, përmes një postimi në Facebook ka kërkuar falje për dy veprime. E para, sipas tij, është që nuk ka arritur të heqë tarifën ndaj mallrave serbe për lëndën e parë që importohet, dhe e dyta, që nuk ka respektuar urdhëresën për distancë fizike mbi një metër me njerëzit tjerë në kohën e koronavirusit.

Kryeministri i vendit Albin Kurti, ka kërkuar falje për moslargimin e taksës 100% për lëndën e parë që importohet nga Serbia, e që ishte paraparë të ndodhte sot me 15 mars.

Kjo sipas tij nuk po realizohet ngas ende nuk ka arritur ta bind partnerin e koalicionit, LDK-në, për qëndrimin e tij që taksa të z%vendësohet gradualisht me recirpocitet.

“Sot, me datë 15 mars 2020, është dashur që të hiqet tarifa 100% në lëndën e parë që importohet nga Serbia. Kjo nuk do të ndodhë sepse qëndrimi im i shprehur më 26 shkurt 2020 ndërkohë nuk u bë vendim. Më vjen keq për këtë. Ende nuk kam arritur ta bind partnerin tonë të koalicionit qeverisës, LDK-në, për atë që vetë jam i bindur: zëvendësimi gradual i tarifës me reciprocitetin është mënyra më e mirë, më e drejtë dhe më e dobishme”.

Kërkimfaljet e Kurtit nuk ndalojnë këtu.

Ai tha se i vjen keq që nuk u respektuan urdhëresat për distancë fizike mbi një metër midis njerëzve në kohën e pandemisë së koronavirusit, gjatë seancës së mbajtur dje në Kuvendin e Kosovës

“Seanca e djeshme e Kuvendit të Republikës së Kosovës që nisi pasdite e përfundoi pas mesnate, nuk respektoi urdhëresat për distancë fizike mbi një metër midis njerëzve në kohën e pandemisë së virusit Corona. Me zëvendës-kryeministrat e mi tërë kohën isha më afër se aq, e nganjëherë edhe përgjatë bisedave të ndryshme teksa diskutonim mbi buxhetin 2020 të cilin e aprovuam mbrëmë. Më vjen keq për këtë dhe ju kërkoj falje”.

Check Also

Zelenskij viziton Kharkivin dhe shkarkon shefin e sigurimit

Presidenti ukrainas Volodymyr Zelenskij ka shkarkuar shefin e sigurimit në Kharkiv, pasi sipas tij “ai …

Arrestohet 10-vjeçari në Florida, kërcënoi se do të qëllonte me armë në shkollë

Një djalë 10-vjeçar u arrestua në Florida, pasi kërcënoi me të shtëna masive me mesazhe …

Mazhoranca drejt zgjedhjes së Presidentit që dëshiron

Kuvendi e quajti të hënën të ezauruar edhe raundin e tretë të votimit për president, …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *