Kina hamendëson se pas koronavirusit qëndron ushtria amerikane

Një zëdhënës i Qeverisë kineze nënkuptoi ditën e enjte se koronavirusi i ri mund të jetë një prodhim laboratorik i ushtrisë amerikane, që më pas e ka hedhur në qytetin e Uhanit në Kinë.

Akuza e tërthortë mbërriti një ditë pasi këshilltar i Sigurisë Kombëtare në SHBA, Robert O’Brien qortoi Kinën për dështim në përpjekjet për parandalimin e epidemisë, kur përhapja ishte në fazën fillestare.

“Ne kemi bërë një punë shumë të mirë për t’iu përgjigjur kësaj krize. Mënyra sesi doli jashtë Kinës dhe si u përballua që në fillim nga Kina nuk ishte e duhura”, deklaroi O’Brien ditën e mërkurë.

Komenti dhe qortimet e tij nuk u pritën mirë në Pekin.

“Kur u regjistrua pacienti zero në SHBA? Sa njerëz janë të infektuar në SHBA? Cilat spitale po merren me të infektuarit? Mund të ketë qenë ushtria amerikane që e solli epideminë në Uhan. Tregohuni transparentë! Bëjini publike të dhënat tuaja! SHBA na detyrohet një shpjegim”, shkroi në Tëitter Zhao Lijian, zëdhënës i Ministrisë së Jashtme kineze.

Po të enjten, një tjetër zëdhënës i kësaj ministrie qortoi zyrtarët amerikanë për “papërgjegjshmëri dhe imoralitet” në komentet që fajësonin Pekinin dhe dështimin e tij në parandalimin e koronavirusit si faktorët kryesorë që përhapën virusin në mbarë botën.

“Masat e ndërmarra nga ne u dhanë kohë vendeve të tjera që të përgatiten kundër pandemisë. Do të dëshironim që disa zyrtarë amerikanë të përqëndronin energjitë e tyre sesi t’i përgjigjen situatës dhe të nxisnin bashkëpunimin dhe jo të fajësonin Kinën për këtë”, tha Geng Shuang.

Mbi 120 mijë ka shkuaar numri i të infektuarve nga koronavirusi në mbarë botën. Rreth 4700 është numri i të vdekurve për shkak të tij, ku pjesa më e madhe janë regjistruar në Kinë. Ndërkohë, SHBA ka raportuar 975 raste me koronavirus, ku 30 persona kanë ndërruar jetë.

Check Also

Reforma elektorale në SHBA, Biden kërkon ndryshim historik të rregullave të Senatit

Presidenti amerikan Joe Biden bëri thirrje për ndryshim historik në rregullat e Senatit, teksa kërkon …

“Nuk do vaksinë? Atëherë paguaj taksë”. Vendi që ndëshkon të pavaksinuarit

Nuk do vaksinë? Atëherë paguaj taksë… Rajoni  i dytë më i populluar në Kanada, Kebeku, …

Princi Andrew do të përballet në gjyq për sulm seksual

Një gjykatë federale në Nju Jork hodhi poshtë mocion për të rrëzuar padinë kundër Princit …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *