Ish-presidenti Bill Clinton shtrohet në spital

Ish-presidenti Bill Clinton u pranua në njësinë e kujdesit intensiv të Universitetit të Kalifornisë Irvine për një infeksion të traktit urinar, që u përhap në qarkullimin e gjakut, thanë mjekët e tij për CNN të enjten.

“Ai është në humor të mirë, ka folur me familjen dhe stafin dhe ka qenë në këmbë”, thanë mjekët dhe stafi i tij.

“Pas dy ditësh trajtimi, numri i qelizave të bardha të gjakut po zvogëlohet dhe ai po i përgjigjet mirë antibiotikëve. Ne shpresojmë që ai të kthehet në shtëpi së shpejti”, thanë mjekët.

75-vjeçari Klinton ishte të martën në Kaliforni për një aktivitet privat të fondacionit të tij, kur ishte ndjerë i lodhur dhe u pranua në spital pas testimit, sipas zyrës së tij.

Mjekët e ish-presidentit thanë se infeksionet urologjike janë shumë të zakonshme te njerëzit e moshuar dhe ato trajtohen lehtësisht, edhe pse ato mund të përhapen shpejt në qarkullimin e gjakut. Ish-presidentit Klinton do t’i jepen antibiotikë intravenozë deri të premten, kur ka të ngjarë të kalojë në antibiotikë oralë. Sipas tyre matjet e tij vitale janë të gjitha të qëndrueshme.

Klinton ka kryer operacion të zemrës në 2004 dhe kishte futur dy unaza për të hapur një arterie në 2010. Por mjekët e tij theksuan se shtrimi në spital nuk ishte i lidhur me zemrën ose Covid-19.

Check Also

Ministri Lavrov: 50 avionë spiunë të NATO-s afrohen çdo javë pranë kufirit të Rusisë

Ministri i Jashtëm i Rusisë, Sergei Lavrov, deklaroi këtë të martë se është zbuluar se …

Varianti Omicron, Biden: Shkak për shqetësim, por jo për panik

Presidenti Joe Biden përpiqet të qetësojë amerikanë në prag të festave të fundvitit, pak ditë …

Si po përballen ekonomitë kryesore të botës me spektrin e inflacionit

Ndërsa kërkesa po kthehet që nga rënia fillestare e pandemisë, bankat qendrore duhet të balancojnë …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *