Diplomati Eliot Engel kritikon ashpër qasjen e SHBA-së mbi Kosovën

Nuk pranon të komentojë se cila parti duhet të udheheqë Kosovën, por Kryetari i Komitetit për Marëdhënie me Jashtë Eliot Engel shprehet kritik për mënyrën se si administrata e Presidentit amerikan po përdorë sipas tij, taktika të ashpëra kundrejt Kosovës, për heqjen e taksës ndaj Serbisë.

“Po shqetësohem gjithnjë e më shumë me taktikat e ashpra që po i përdor administrata Trump kundrejt Prishtinës. Departamenti i Shtetit ka kërkuar prej shumë kohësh tashmë që Kosova të heqë taksën. Por, kjo administratë përdori ndëshkime ekonomike vetëm pak javë pasi qeveria Kurti mori detyrën. Në vend që ta linte qeverinë e re, e cila po përballej me pandeminë, që të plotësonte radhët e agjencive dhe të vendoste procedurat e brendshme, SHBA-ja kontribuoi në një krizë politike në Prishtinë, për tarifat mbi Serbinë”, tha Engel.

Për Eliot Engel, ka arsye të pranueshme se përse Kosova duhet të heqë tarifat, kryesisht pasi ato më shumë po e dëmtojnë Kosovën sesa po i “ofrojnë ndonjë levë për arritjen e marrëveshjejes së paqes me Serbinë – thotë ai.

Por, ai këshillon që në vend të përdorimit të taktikave të rrepta me një shtet mik, që mbështetet tek përkrahja jonë, SHBA-ja duhet të punonte me durim me qeverinë, tani në largim, të Kosovvës – ashtu sikurse mundi të punojë me qeverinë e mëparshme të Kosovës

“Për më tepër, presioni i vënë mbi Prishtinën për tarifat e saj është tejet i disbalancuar. Diplomatët serbë janë duke shëtitur globin, për t’i nxitur shtetet që ta heqin njohjen për Kosovën dhe Serbia është duke i thelluar raportet e saja me Moskën teksa po blen sasi të konsiderueshme armatimi rus. Në të vërtetë, sipas Ligjit të Sprapsjes së Kundërshtarëve të Amerikës përmes Sanksioneve, i miratuar nga Kongresi pas ndërhyrjes ruse në zgjedhjet e 2016-ës, këto blerje armësh kërkojnë prej Administratës që të vërë sanksione mbi Serbinë. As që i kemi vënë këto sanksione dhe as nuk e kemi nxitur Serbinë më fuqishëm që t’i japi fund përpjekjeve të veta për heqjen e njohjes”, theksoi ai.

Diçka nuk është në rregull me politikën amerikane sipas Kryetari i Komitetit për Marëdhënie me Jashtë dhe ajo që ai këshillon për t’u korrigjuar është ribalancimi i qasjes së Shteteve të Bashkuara të Amerikës përballë Serbisë dhe Kosovës.

Check Also

Zgjedhjet për kreun e PD-së, kreu i Komisionit Zgjedhor Gjana: Jemi të interesuar për proces të drejtë

Kreu i Komisionit Zgjedhor për kreun e PD-së, zgjedhje që do mbahen më 13 qershor, …

Kaso akuza KAS-it për mospranimin e kërkesës së PD-së për prova shtesë: Po fsheh masakrën zgjedhore të 25 prillit

Sekretari për Çështjet Zgjedhore në PD, ka akuzuar Komisionin e Ankimimeve e Sanksioneve se po …

KAS rrëzon PD-në për informacione shtesë nga institucionet shtetërore e entet publike

Komisioni i Ankimimeve e Sanksioneve ka rrëzuar kërkesën e PD-së për marrjen e informacioneve shtesë …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *