BE: Nuk ndalet eksporti i pajisjeve mjekësore në Ballkanin Perëndimor

Vendet anëtare të BE-së do të vendosin vetë nëse do të eksportojnë pajisje mjekësore në vendet e Ballkanit Perëndimor, thotë zëdhënësi i Komisionit Evropian, Eric Mamer.

“Eksportet mund të autorizohen dhe pajisjet mund të eksportohen në atë rajon”, thotë Mamer.

Sipas tij varet nga vendet anëtare të BE-së që të vendosin për eksportet e mundshme, kështu që zyrtarët e Komisionit Evropian nuk duan ta quajnë vendimin “ndalime të eksportit”.

Komisioni Evropian vendosi me urgjencë të dielën të kufizojë eksportet e pajisjeve mjekësore jashtë BE-së në mënyrë që “të mbrojë disponueshmërinë e furnizimeve të pajisjeve të tilla brenda tregut të vetëm të BE-së”.

Vendimi për të kufizuar eksportin e pajisjeve mjekësore do të jetë i vlefshëm për 6 javët e ardhshme.

Vendimi u komentua nga presidenti serb, Aleksandar Vuçiq, i cili tha se masa ishte provë se solidariteti Evropian nuk ekziston, duke e quajtur atë një “përrallë në letër”.

Ai gjithashtu njoftoi se Serbia do të orientohet në Kinë, dhe do të kërkojë ndihmën e presidentit kinez, Xi Jinping, për të blerë pajisje mjekësore dhe për të marrë ndihmën e mjekëve kinezë.

Shumica e vendeve anëtare të BE-së janë duke u ballafaquar me një numër në rritje të të infektuarve me koronavirusin e ri. Organizata Botërore e Shëndetësisë ka thënë se Evropa tashmë është epiqendra e virusit, dhe jo Kina ku viusi u paraqit për herë të parë në dhjetor të vitit të kaluar.

Check Also

Inceneratori, LSI çon në SPAK Lefter Kokën, deputetin e PS dhe kryebashkiakun e Fierit

LSI ka dorëzuar tre kallëzime në SPAK për ish-drejtuesit e Ministrisë së Mjedisit në lidhje …

Raporti i KLSH: Astrit Hado drejtori i ISSH shkakon dëm ekonomik 172 milion lekë në buxhetin e shtetit

Raporti nga Kontrolli i Lartë i Shtetit, ka zbuluar se janë shkaktuar -172 milion lekë …

Ish-kryeministri italian nën akuzë për financime të paligjshme dhe korrupsion

Zyra e Prokurorit Publik të Firences mbylli një hetim për fondacionin “Open”. 11 persona dhe …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *