105 mjekë kanë humbur luftën me koronavirusin në Itali

Numri i punonjësve të kujdesit shëndetësor që humbin jetën apo infektohen me koronavirus rritet çdo ditë në Itali.

Ansa.it shkruan se numri i vdekjeve në mesin e mjekëve ka shkuar në 105 në shtetin fqinj.

Emrat e fundit, sipas Federatës Kombëtare të Urdhërave Mjekësorë (Fnomceo), janë ata të Giunio Matarazzo, dentist dhe Emilio Brignole, kirurg në spital.

Pastaj vijnë mjekët e familjes Antonio De Pisapia, Massimo Bosio, Marzio Zennaro, Tahsin Khrisat, Mario Rossi dhe Samar Sinjab. Dhe kirurgu onkolog Francesco Cortesi.

Ndër viktimat janë mjekë në pension, të cilët qeveria i thirri një muaj më parë për të ndihmuar në luftimin e koronavirusit.

Sindikatat kanë ngritur debate për javë të tëra që ata që punojnë në kontakt me pacientët Covid-19 duhet të jenë në gjendje ta bëjnë këtë me siguri, me pajisje adekuate mbrojtëse personale.

Raportet vlerësojnë se 28 infermierë dhe ndihmës infermierë kanë vdekur gjithashtu nga COVID-19.

“Ne s’mund të lejojmë më gjatë mjekët tanë, punonjësit e shëndetit, të dërgohen për të luftuar pa ndonjë mbrojtje kundër virusit”, tha presidenti i FNOMCeO, Filippo Anelli, në faqen e internetit të shoqatës.

Ai shtoi se i beson presidentit Sergio Mattarella, ministrit të Shëndetësisë Roberto Speranza, dhe kryeministrit Giuseppe Conte.

Check Also

Brukseli paralajmëron Francën për “lirinë e mediave”

Gazetarët francezë dhe organizatat për lirinë e mediave janë duke e kundërshtuar një projektligj të …

Punonjësit me Covid-19/ Plas kaosi në aeroportin e Shanghai-t

Aeroporti më i madh ndërkombëtar i Shanghait u përfshi nga kaosi kur autoritetet urdhëruan një …

Bill Gates parashikon se kur do të përballemi me pandeminë e radhës

Bill Gates, bashkëthemeluesi i Microsoft, ka parashikuar se njerëzimi do të përballet sërish me një …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *