U zunë për qenin dhe Facebook-un. Gruaja përdori thikën ndaj burrit, por nuk shkoi në qeli

Gjykata zbardhi vendimin në të cilin shpalli fajtore një grua për dhunë ndaj bashkëshortit. 31-vjeçarja E. B u dënua me gjashtë muaj burgim, por ajo nuk shkon në qeli sipas gjykatës, pasi gruaja e ka njoftuar vetë autoambulancën për ta dërguar burrin në spital për trajtim mjekësor.

Ky veprim i të akuzuarës është llogaritur si rrethanë lehtësuese, ndaj asaj i është konvertuar burgu në shërbim prove për 12 muajt e ardhshëm. Gazeta Si mëson se rasti i dhunës nisi pas sherrit mes dy bashkëshortëve me inicialet E. B dhe F. B, të cilët u grindën se përse qeni kishte dalë jashtë shtëpisë. Në grindje e sipër gruaja e qëlloi shtetasin F. B (bashkëshortin) me thikën e kuzhinës. Ajo ishte duke larë enët dhe në debat e sipër e ka qëlluar të shoqin në gjoks.

Por, prokuroria tha se ishte vetë gruaja që më pas njoftoi policinë dhe ambulancën me kërkesën që të mbërrinin sa më shpejt dhe ta mjekonin. Njëkohësisht prokuroria duke iu referuar dëshmive të çiftit përmend si shkak për grindjet nga njëra anë alkoolin, nga ana tjetër përdorimin e Facebook dhe në të njëjtën kohë edhe largimin e qenit nga shtëpia që është përdorur si preteksti final. Siç mësohet pas problemeve me drejtësinë, aktualisht çifti është nën proces divorci.

Në dosjen që Gazeta Si ka siguruar, prokurori përmend dëshminë e bashkëshortit të dëmtuar: “Në darkë, rreth orës 22.00, isha në banesë së bashku me dy fëmijët e mitur. Rreth kësaj ore, ka ardhur nga puna bashkëshortja. Gjatë kohës që po rrinin në shtëpi, djali i vogël la derën e jashtme hapur dhe qeni doli nga banesa. Ky ishte shkaku pse filluan debatet. Më pas i thashë bashkëshortes se do largohesha në Greqi, pasi kisha babain sëmurë. Erjona u përgjigj që nuk mund të largohej, pasi ishte në punë”. Pas kësaj bisede, Florjani i është afruar te lavamani, ku E. po lante enët dhe vazhduan të debatonin. Në debat e sipër, E. e shtyu Florjanin, por në dorë kishte thikën e bukës, e cila e preku këtë të fundit ne gjoks, shkarazi.

Por ndërkohë gruaja këmbëngul se debati ka nisur për shkak të përdorimit të alkoolit nga bashkëshorti. E. B tregon në gjykatë se “U ktheva nga puna turni i dytë. Kur hyra në banesë pashë që im shoq kishte konsumuar alkool, i merreshin këmbët dhe goja. Ai kërkonte llogari pse flet në “Facebook” dhe filloi të më akuzojë pa të drejtë, filloi të më shtyjë e të më akuzojë. Në inat e sipër mora thikën e bukës dhe e qëllova, pastaj menjëherë njoftova ambulancën. Por bashkëshorti u mbyll me çelës në dhomë dhe nuk donte t’ia hapte as policisë dhe as mjekëve. Ia mora çelësin dhe e hapa vetë derën”.

Gjykata përmend se ka treguar mëshirë ndaj gruas jo vetëm sepse ajo është nënë e fëmijëve të mitur, por edhe sepse ajo është shfaqur e penduar dhe është treguar e gatshme për mjekimin e partnerit.

Check Also

Raporti i KLSH: Astrit Hado drejtori i ISSH shkakon dëm ekonomik 172 milion lekë në buxhetin e shtetit

Raporti nga Kontrolli i Lartë i Shtetit, ka zbuluar se janë shkaktuar -172 milion lekë …

Rusët, një histori me spiunazh? Çfarë dimë deri tani për vdekjen e 4 turistëve në Qerret

Prej të premtes, hetuesit më të lartë në vend janë rikthyer disa herë në resortin …

Cili është dallimi mes “licencimit” dhe “akreditimit” të një laboratori ‘Covid’

Para disa ditësh, për Kontrollin e Lartë të Shtetit, pandemia COVID 19 në Shqipëri mund …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *