U përgjua duke ndërhyrë për vrasësit e Lazaratit, arrestohet Henri Çili

Pronari i Universitetit Europian të Tiranës Henri Çili që njihet edhe si botues dhe analist televiziv është arrestuar në orët e para të mëngjesit nga policia, bashkë me disa persona të tjerë.

Urdhër-arrestet për ndalimin e tyre janë lëshuar nga Prokuroria e Përmetit pas një hetimi disa mujor.

Të arrestuarit akuzohen për korrupsion pasiv dhe aktiv në fushën e drejtësisë.

Emri i Çilit del në përgjime për ndërhyrje te një gjyqtar, për lirimin nga burgu të dy të burgosurve të arrestuar në Lazarat.

Bëhet fjalë për dy vëllezërit Aliko, të cilët janë dënuar për vrasjen e efektivit të RENEA-s Ibrahim Basha.

Ngjarja ka ndodhur në Lazarat gjatë aksionit të policisë në vitin 2015, kundër kultivimit të drogës.

Mes të arrestuarve është edhe avokati Ilir Korbi, drejtori juridik i UET, i cili është gjithashtu edhe pedagog pranë këtij universiteti.

Në momentin e ndalimit të Korbit janë shoqëruar edhe disa persona të cilët janë ndodhur në tavolinë me të.

Të arrestuarit janë dërguar tek Policia e Tiranës, ku priten veprime të mëtejshme.

Ndaj tyre rëndojnë akuzat për korrupsion, ushtrim të ndikimit të paligjshëm, falsifikim të dokumenteve dhe shpërdorim detyre.

Nga ky operacion i cili është finalizuar në orët e para të mëngjesit mësohet se janë shoqëruar edhe disa persona të tjerë.

Kontrolle janë ushtruar në disa banesa në qytetin e Gjirokastrës si dhe në ambientet e UET.

Çili ka qenë edhe botues i gazetës MAPO, të cilën e ka shitur pak kohë më parë.

Pritet që kjo dosje të kalojë në SPAK.

Check Also

Zanafilla e inceneratorëve: Emergjenca mjedisore u shpall pa bazë ligjore

Në fillim të shkurtit 2014, pesë zëvendësministra të qeverisë së udhëhequr nga kryeministri Edi Rama …

Argumentimi qesharak i gjyqtarit Erjon Bani, ish-ministri Koka u la në burg për t’i “rregulluar imazhin drejtësisë”(!)

Gjykata e Posaçme kundër Krimit të Organizuar dhe Korrupsionit vendosi sërish të rrëzojë kërkesën e …

Ballkani i Hapur? Rama: Do të presim e shohim reagimin e Serbisë

Shqipëria nuk ka pse të ndjehet e rrezikuar nga agresoni rus në Ukrainë, ndërsa vendi, …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *