SMS në telefon dhe verifikim në adresa, policia shënjestron të kthyerit në vend ditët e fundit

Policia e Shtetit po njofton me telefon të gjithë shtetasit shqiptarë që janë rikthyer në vend nga Italia ose Greqia në 2-3 javët e fundit që të vetëngujohen në zbatim të masave kundër përhapjes së koronavirusit.

Mesazhi u dërgohet të gjithë personave që janë përfshirë në një regjistër të krijuar nga strukturat e kufirit, ku janë përfshirë të gjithë emrat, kontaktet telefonike, postës elektronike dhe adresat e personave që kanë histori udhëtimi me jashtë, sidomos me Italinë në 2-3 javët e fundit.

Në mesazhin telefonik që u dërgohet, Policia e Shtetit u kërkon qytetarëve bashkëpunim për të respektuar urdhrin e vetëngujimit, në të kundër kujton penalitetet që zbatohen për thyerjen e këtij urdhri, ku përfshihet edhe gjoba prej 5 mijë eurosh.

Përveç mesazheve përmes mjeteve të komunikimit në distancë patrullat e policisë verifikojnë në terren zbatimin e këtij urdhri nga personat që janë subjekt i urdhrit të vetëngujimit. Kontrollet në terren kryesisht në Tiranë dhe Durrës kryhen deri duke trokitur derë më derë, sipas adresave në rastet kur policia sinjalizohet nga qytetarët se persona të caktuar thyejnë këtë rregull.

Check Also

Falsifikuan dokumentet, 3 të arrestuar, mes tyre drejtori i Zyrës së Tokës në Qarkun Vlorë

Policia e Vlorës ka vënë në pranga dy funksionarë publik të akuzuar për falsifikim të …

Urdhri i parë i Gledis Nanos për drejtuesit e qarqeve: Paguani policët për punën jashtë orarit, lekët të merren nga paratë e konfiskuara nga krimi

Drejtori i ri i Policisë së Shtetit, Gledis Nano, ka marrë vendimin e parë që …

Komisioni për inceneratorët hiqet nga votimi me dakordësi mes PS dhe PD

Opozita dhe mazhoranca ranë dakord të enjten që të heqin nga rendi i ditës dhe …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *