Si u përhap Covid-19 në 24 orët e fundit: 11 të infektuar vetëm të rinj në Tiranë

16 persona të prekur me koronavirus janë identifikuar në 24 orët e fundit, duke shënuar rritje krahasuar me ditët e fundit.

11 prej 16 të infektuarve të rinj janë në Tiranë, duke e çuar numrin total të të prekurve në Tiranë në 140 ose sa 54 për qind e totalit.

Ndërsa 5 të infektuarit e tjerë janë:

3 në Durrës,
1 në Korçë,
1 në Kavajë.

Krahasuar më një ditë më parë, kur në Durrës u zbuluan 12 të prekur të rinj, në 24 orët e fundit rastet e reja në Durrës janë ulur në vetëm 3. Deri tani dyshohet se të infektuarit e ditëve të fundit, janë pjestarë të të njëjtit fis, në Spitallë të cilët janë infektuar nga një 71-vjeçar. Ky i fundit dyshohet se është infektuar nga djali i tij që punon në call-center.

Me 15 të prekurit e dy ditëve të fundit, Durrësi renditet në vend të dytë pas Tiranës, me 29 të infektuar ose sa 12 përqind e totalit.

Të infektuarit në Korçë e Kavajë janë kontakte të pacientëve të identifikuar më parë.

Në total numri i të prekurve ka arritur në 259, prej të cilëve 67 janë shëruar dhe 15 kanë humbur jetën, duke lënë 177 raste aktive.

Mosha mesatare e të prekurve është 50 vjeç.

Check Also

Rama: OSBE, mision i suksesshëm, tani duam Këshillin e Sigurimit në OKB

Shqipëria e vlerëson të suksesshme Presidencën e OSBE-së, pavarësisht vështirësive që dolën përgjatë këtij viti …

18 të vdekur, 801 raste të reja me Covid-19 në 24 orë

Ministria e Shëndetësisë dhe Mbrojtjes Sociale ka njoftuar se në 24 orët e fundit kanë ndërruar …

SPAK dërgon për gjykim çështjen ndaj ish-drejtorit të Tatimeve Korçë

Struktura e Posaçme Anti Korrupsion, SPAK, njoftoi të premten se kishte dërguar për gjykim në …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *