Shtohen 10 raste me COVID-19, numri shkon në 33. Harta zgjerohet me Fierin

Në komunikimin e sotëm në media, zëvendësministrja e Shëndetësisë Mira Rakacolli dhe Drejtuesja e Departamentit të Sëmundjeve infektive në ISHP Silva Bino, treguan se janë testuar 457 raste dhe në total në vendin tonë ka 33 raste pozitive me COVID-19. Në njoftimin e tyre vihet re se harta me personat e prekur është zgjeruar edhe me qytetin e Fierit, ndërkohë që ekspertet bëjnë me dije se 8 prej të prekurve ndodhen në spitalin Infektiv, ndërsa 25 të tjerë janë vetizoluar dhe janë në gjendje të mirë shëndetësore.

Më tej rastet janë përcaktuar.

Tiranë 19 raste

Durrës 5 raste (njëri prej të cilëve ka ndërruar jetë)

Lushnjë 1 rast

Elbasan 2 raste

Fier 4 raste

Rrogozhinë 2 raste.

Gjithashtu në njoftim, ekspertet shpjeguan se po vijon gjurmimi dhe testimi i mostrave të reja të stafit mjekësor në Spitalin Rajonal të Durrësit.

“Në bazë të rezultateve që tashmë kanë dalë, nga kampioni i dytë i mostrave të marra, 39 mostra të mjekëve, infermierëve dhe pacientëve, vetëm 1 mjek rezulton pozitiv, i cili nuk ka simptoma, aktualisht është i vetizoluar dhe po hulumtohet më tej. Gjithsej janë kryer 89 testime në spitalin e Durrësit. Nga numri total i të prekurve nga COVID-19 janë 25 persona të vetizoluar në gjendje të mirë shëndetësore dhe 177 të vetë karantinuar. Dua t’ju bëj thirrje edhe një herë të gjithë qytetarëve, të respektojnë rregullat e reja dhe të qëndrojnë në shtëpi. Të kufizojmë rrezikun sa më shumë të jetë e mundur!,” është shprehur Silva Bino.

Ndër të tjera ajo, theksoi se tani që OBSH e ka shpallur koronavirusin një pandemi, masat duhet të merren më seriozisht.

Check Also

Disa njerëz në Shqipëri janë të paprekshëm nga Covid-19

Djali i saj pesë vjeçar, dy prindërit e bashkëshortit dhe ai u infektuan të gjithë …

19 të vdekur, 986 raste të reja me Covid-19 në 24 orë

Në 24 orët e fundit, Ministria e Shëndetësisë ka raportuar për 19 të vdekur si …

Po nëse në fletën e votimit vendosim opsionin ‘asnjë nga partitë’

Nga Irena Beqiraj Afrimi i zgjedhjeve parlamentare të 25 Prillit, siç edhe pritej, po shoqërohet …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *