Riatdhesimi nga Roma kushton 100 euro, Rama: Qeveria do të paguajë 2/3 e akomodimit në hotel

Të gjithë ata që kanë ngecur në Romë, për shkak të masave kufizuese të koronavirusit, sot kanë mundësi të prenotojnë fluturimin drejt Shqipërisë. Pagesa e biletës do të kryhet nga vetë personi, ndërsa qeveria do të paguajë dy të tretat e pagesës së akomodimit të detyruar 14 ditor në hotel.

“Sot hapen prenotimet për fluturimet e riatdhesimit që nisin të shtunën nga Roma✈

Paketa do të jetë 100€ për fluturimin që do të paguhen nga personi dhe 21€ në ditë për akomodimin 14-ditor në hotel, prej të cilave 14€ do të mbulohen nga qeveria për fjetjen e shërbimin me standartet anticovid19, ndërsa vetëm 7€ do të paguhen nga personi për ushqimin.

Besoj se kjo paketë është mëse e arsyeshme e falenderoj Air Albanian dhe operatorët turistikë për mirëkuptimin dhe kontributin e tyre me zemër shqiptare në këtë nisëm aspak të lehtë, për situatën e ndërlikuar që po kalojmë.

*Cmimi i biletës do të variojë sipas destinacioneve, ndërsa pagesa e hotelit karantinë do të jetë fikse për të gjithë natyrisht”, shkruan Rama.

Procedura e riatdhesimit:

Ministrja e Infrastrukturës dhe Energjisë, Belinda Balluku, ka sqaruar procedurën që duhet të ndjekë çdo qytetar që do të kthehet në atdhe.

“Vizitoni faqen airalbania.com.al dhe më pas rublikën “riatdhesime”.

Klikoni në linkun e hoteleve të cilat janë transformuar në struktura karantinuese covid-19.

Lexoni me kujdes formularin e kushteve të karantinimit, dhe vetëm pasi të shtypni butonin “pranoj” do të mund të zgjidhni dhomën tuaj të qëndrimit 14-ditor.

Pasi të kryeni pagesën elektronike prej 98 eurosh, sistemi do të prodhojë vërtetimin e rezervimit tuaj, në të cilin do të gjeni një kod unik, i cili do t’iu shërbejë për rezervimin e biletës.

Kthehuni në faqen airalbania, dhe me kodin unik që morët vijoni me rezervimin e biletës së avionit. Pas kësaj do të jeni i gatshëm për të udhëtuar.

Air Albania që nis këtë të shtunë fluturimet në Romë, do të fluturojë gjithashtu drejt Milanos, Barit, Frankfurtit, Parisit dhe Londrës”.

Check Also

Falsifikuan dokumentet, 3 të arrestuar, mes tyre drejtori i Zyrës së Tokës në Qarkun Vlorë

Policia e Vlorës ka vënë në pranga dy funksionarë publik të akuzuar për falsifikim të …

Urdhri i parë i Gledis Nanos për drejtuesit e qarqeve: Paguani policët për punën jashtë orarit, lekët të merren nga paratë e konfiskuara nga krimi

Drejtori i ri i Policisë së Shtetit, Gledis Nano, ka marrë vendimin e parë që …

Komisioni për inceneratorët hiqet nga votimi me dakordësi mes PS dhe PD

Opozita dhe mazhoranca ranë dakord të enjten që të heqin nga rendi i ditës dhe …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *