Pr.ligji, zgjatet mbrojtja nga Garda për Kryeministrin dhe kreun e Kuvendit

Ministria e Brendshme ka hedhur për konsultim publik projektligjin për organizimin dhe funksionimin e Gardës së Republikës, duke zgjatur afatet e ruajtjes fizike dhe të banesave të Kryeministrit dhe të kryetarit të Kuvendit, kur këta të fundit përfundojnë mandatet e tyre.

Në platformën zyrtare të konsultimit publik, projektligjit i mungon relacioni shoqërues dhe kostoja financiare, nëse ka. Megjithatë, gazeta “Si” vëren se me këtë akt synohet që të përcaktohen më me detaje kompetencat, kohëzgjatja, forma dhe mënyra sesi Garda e Republikës kryen ruajtjen e personaliteteve dhe objekteve të tyre.

Në lidhje me kohëzgjatjen, për dallim nga ligji ekzistues, në projektligj propozohet që mbrojtja personale, edhe pas lënies së detyrës për Kryetarin e Kuvendit dhe Kryeministrin të zgjatet nga tre në katër vite, po aq sa e ka edhe Presidenti i Republikës.

Gjithashtu, projektligji synon që të qartësojë edhe një amulli në interpretimin aktual nëse Garda e Republikës duhet të ruajë fizikisht banesat e Presidentit, Kryeministrit dhe Kryetarit të Kuvendit pas lënies së detyrës. Në ligjin aktual parashikohet vetëm ruajtja fizike e tyre.

Në propozimin e Ministrisë së Brendshmë, pika 2 e nenit 15 përcakton se banesat e Presidentit, Kryetarit të Kuvendit dhe Kryeministrit ruhen dhe mbrohen si gjatë qëndrimit të tyre në detyrë, ashtu edhe për dy vite pas përfundimit të mandatit.

Një tjetër ndryshim në krahasim me ligjin aktual është ai i gradës së drejtuesi të Gardës së Republikës. Sipas ligjit të 2005-ës, Komandant i Gardës zgjidhej mes radhëve të oficerëve madhorë në Gardën e Republikës dhe Policinë e Shtetit. Me propozimin e ri, përcaktohet se drejtori i Gardës zgjidhet vetëm nga radhët e këtij institucioni dhe duhet të ketë gradën “Drejtues i Parë”, ose “Drejtues i Lartë” dhe fill pas zgjedhjes i jepet grada e Drejtuesit Madhor.

Projektligji bën edhe barazvlerësimin e gradave me ligjin ekzistues, ku grada kolonel është e barabartë me gradën “Drejtues i Parë” dhe/ose “Drejtues i Lartë” dhe grada “Gjeneral” barazohet me gradën “Drejtues Madhor”.

Check Also

Gazetari publikon audion: Artan Lame instrukton punonjësit të mashtrojnë 100 mijë qytetarë për legalizimet: S’do ju bëhet po mbajini varur se votojnë palën tjetër

Kreu i Kadastrës, Artan Lame, është shfaqur në një material audio duke këshilluar punonjësit e …

Mediat greke: Truku i Ramës me karantinën 14-ditore, po dekurajon shqiptarët të udhëtojnë për votimet

Ndërsa raportojnë lajmin për karantinën 14-ditore të vendosur ditën e djeshme nga Komiteti Teknik i …

Gjashtë të vdekur dhe 148 raste të reja me Covid

6 qytetarë nuk mundën ta fitonin betejën me koronavirusin gjatë 24 orëve të fundit në …

One comment

  1. Check beneath, are some completely unrelated web sites to ours, nevertheless, they are most trustworthy sources that we use. Drucill Marshall Stralka

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *