Pa pullë fiskale, Dogana sekuestron 892 mijë paketa cigare

892 mijë paketa cigare pa pullë fiskale u zbuluan sot në doganën e Hanit e Hotit, në Shkodër. Lajmi u njoftua nga drejtori i Përgjithshëm i Doganave, Gjon Bardhi, i cili tha në një deklaratë për mediat që nëse ngarkesa do të hidhej në treg vlera doganore që i duhej paguar shtetit, kapte shifrën e 1.1 milionë eurove. Paketat, e llojit ‘Slim’, u gjetën pas një kontrolli të ushtruar në një kamion.

“Paketat e cigareve ishin të llojit Slims. E gjithë kjo ngarkesë ishte e pa pajisur me pullë fiskale shqiptare apo të ndonjë shteti tjetër. Nëse ky mall do të hidhej në treg, vlera e detyrimeve doganore që duhet të paguhej kap shifrën e 140 milionë lekëve ose përafërsisht 1.1 milionë euro.

E gjithë sasia e sekuestruar dhe rasti u referua në Prokurorinë pranë Gjykatës së Shkallës së Parë Shkodër për veprën penale Kontrabandë me mallra që nuk paguajnë akcizë.

Në bashkëpunim me prokurorinë e Gjykatës së Shkallë së Parë Shkodër po kryen veprime të mëtejshme hetimore. Ky nuk është rasti i parë që kohët e fundit administrata doganore sekuestron dhe kap mallra kontrabandë, sidomos për mallra që paguajnë akcizë.

Strukturat e administratës doganore do të vazhdojnë në vazhdimësi të angazhuara plotësisht për zbatim të planeve apo detyrave funksionale që ka çdo degë doganore. Objektivi ynë është lufta ndaj paligjshmërisë duke synuar krijimin e një klime sa më të favorshme për të zhvilluar biznes në funksion të konkurrencës së ndershme dhe barazisë përpara ligjit”.

Check Also

Gratë në median shqiptare: Nga riviktimizimi tek stigmatizimi si imorale

Në tetor 2017, një vajzë 15-vjeçare në një fshat të izoluar në Shqipërinë juglindore raportoi …

Zbulohet rrjeta kriminale e FOREX/ ‘Mafia italiane’ dhe BOSS-ët e tij shqiptarë qarkullojnë dhjetra MLN € çdo vit

Në artikujt tanë të fundit, JOQ Albania ka ndërmarrë denoncime serioze, faktike kundrejt aktivitetit kriminal …

Argumentimi qesharak i gjyqtarit Erjon Bani, ish-ministri Koka u la në burg për t’i “rregulluar imazhin drejtësisë”(!)

Gjykata e Posaçme kundër Krimit të Organizuar dhe Korrupsionit vendosi sërish të rrëzojë kërkesën e …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *